منقبت

منقبت: داتا کا دربار


ازقلم: سید اولاد رسول قدسی
نیویارک امریکہ

سخاوت کا بادل ہے داتا کا دربار
عنایت کا چھاگل ہے داتا کا دربار

ہمیں کیا سروکار غیروں کے در سے
عطاؤں کی مخمل ہے داتا کا دربار

یہاں سے اخوت کے ملتے ہیں اسباق
تنفر کا مقتل ہے داتا کا دربار

یہ فیضان ہے افضل الانبیا ء کا
فضیلت میں اکمل ہے داتا کا دربار

یہ کہتے ہیں روحانیت کے مناظر
تقرب کا مشعل ہے داتا کا دربار

ہے حیران وششدر جہاں کی بصارت
بصیرت کا کاجل ہے داتا کا دربار

ولایت کی پھیلی ہے ہر سمت خوشبو
کرامت کا صندل ہے داتا کا دربار

ہے سہما ہوا ظلم، فیض وکرم پر
یو ں مائل ہر اک پل ہے داتا کا دربار

خدا کی عنایات کی بارشوں سے
عجب قدسیؔ جلتھل ہے داتا کا دربار

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

اسے بھی ملاحظہ کریں
Close
Back to top button