نبی رحمت کی سیرت کے مطابق زندگی گزارنا ہماری اولین ترجیح: پروفیسر فاروق صدیقی

الدال علیٰ خیر کفاعلہ (شیئر کریں)

موتی ہاری: 29 نومبر، ہماری آواز(عاقب چشتی)

نوجوان کمیٹی صمدپورہ مہسی کے زیر اہتمام مدرسہ تجوید القرآن کے احاطہ میں محفل سیرۃ النبی کوئز مقابلہ کا انعقاد کیا گیا جس کی صدارت مولانا مشتاق احمد برہانی نے کی
اس موقع سے تحریری و تقریری مقابلہ کا انعقاد کیا گیا جس میں دس گروپ نے شرکت کی عماد پٹی مدرسہ گروپ ,نردروا مدرسہ گروپ ,ہرپور ناگ مدرسہ گروپ ,ہندو چکیا مدرسہ گروپ ,گنگا سرسیاں مدرسہ گروپ , پروفیسر کالونی چکیا گروپ ,مدرسہ رضویہ چکیا گروپ ,کووآں مدرسہ گروپ ,چک لالو مدرسہ گروپ ,صمدپورہ مدرسہ گروپ کے طلباء و طالبات نے شرکت کی اور اول دوم سوم پوزیشن حاصل کرنے والوں کو انعام و اکرام سے نوازا گیا تقریری مقابلہ میں ندروا مدرسہ گروپ نے اول, عماد پٹی مدرسہ گروپ نے دوم , ہرپور ناگ مدرسہ گروپ نے سوم پوزیشن حاصل کی اور تحریری مقابلہ میں ماہتاب عالم بڑہروا, محمد عادل گنگا سرسیاں, محمد اشتیاق القادری مہسی مدرسہ نے سوم پوزیشن حاصل کی اور انہیں انعام سے نوازا گیا اس کے علاوہ جملہ شرکاء کی حوصلہ افزائی کی گئی اس موقع سے‌ مہمان خصوصی پروفیسر فاروق احمد صدیقی سابق صدر شعبۂ اردو بہار یونیورسٹی مظفرپور نے خطاب کرتے ہوئے کہا کہ ہماری بنیاد مستحکم ہونی چاہیے اور سب سے ضروری دینی تعلیم ہے بغیر دینی تعلیم کے انسان مہذب اور اخلاق مند نہیں ہوسکتا ہے اس لیے دینی تعلیمات کے ساتھ ساتھ عصری تعلیمات حاصل کریں موجودہ دور میں روایتی مذہبی جلوسوں سے زیادہ مفید و کار آمد اسلامی کوئز کا انعقاد ہے بچوں کے اندر تعلیمی بیداری , استحکام , ذوق و شوق پیدا کرنا اولین مقصد ہونا چاہیے سرکار مدینہ کی سیرت سے آشنائی حاصل کریں اور اس کے مطابق زندگی گزاریں اپنے اخلاق و کردار کو بہتر بنانا ہماری ترجیحات میں شامل ہونا چاہیے۔

جبکہ مولانا ثناء اللہ اطہر مصباحی نے کہا کہ سیرۃ النبی کوئز مقابلوں کے انعقاد سے ہمارے بچے مہذب بنیں گے اور ان کا ہمت و حوصلہ بلند ہوگا آگے بڑھنے کا شوق پیدا ہوگا اور ذہنی طور پر ہمارے بچے کسی بھی مقابلہ جاتی امتحان کے لیے تیار ہوسکیں گے جبکہ مولانا مشتاق احمد برہانی نے کہا کہ تعلیم ایک اتھاہ سمندر ہے اس کے حصول کے لیے مکمل کوشش کرنی ہوگی اور تعلیم کے ساتھ ہمیں اخلاق مند بننے کی سعی کرنی ہوگی تعلیم کے ساتھ ساتھ اخلاق بھی نہایت قیمتی دولت ہے جبکہ مولانا نبیل احمد مصباحی نے حاضرین کا شکریہ ادا کرتے ہوئے کہا کہ ہماری کوشش ہے کہ سماج کے ہر طبقہ کے بچوں کے اندر تعلیم کا ذوق و شوق پیدا ہو اور وہ تعلیم یافتہ ہونے کے ساتھ ایک بہتر شہری بن سکیں اس موقع سے معراج احمد لیکچرر ایم جی کالج مہسی,نیاز احمد بی ڈی او,سماجی کارکن اشتیاق احمد جنتا الیکٹرک چکیا,محفوظ عالم چوڑی سنٹر,مولانا عادل حسین مصباحی,قاری علی احمد خان, مولانا شکیل احمد رضوی, مولانا حشمت علی رحمانی , حافظ شرافت علی, مولانا انیس الرحمن چشتی میڈیا انچارج, صحافی حامد رضامولانا شاہنواز عالم, مولانا معین الدین مصباحی , وزیر عالم, حافظ شہادت علی,حافظ حیدر علی سمیت ہزاروں افراد موجود تھے۔

الدال علیٰ خیر کفاعلہ (شیئر کریں)

About انیس الرحمٰن چشتی

جناب انیس الرحمٰن عاقب چشتی صاحب صوبہ بہار کے ضلع موتی ہاری سے تعلق رکھنے والے ایک معروف شاعر اور سینیئر صحافی ہیں۔ ہماری آواز

Check Also

کشن گنج: رؤیت ہلال کمیٹی کی ایک اہم میٹنگ

28/ جولائی 2022ء بروز جمعرات، زیر اہتمام تنظیم علمائے اہل سنت سیمانچل رؤیت ہلال کمیٹی …

جواب دیں

آپ کا ای میل ایڈریس شائع نہیں کیا جائے گا۔