ہندوستان ہمارا ہے

الدال علیٰ خیر کفاعلہ (شیئر کریں)

26 جنوری یوم جمہوریہ کے موقعہ پر لکھی گئی نظم

ازقلم: محمد شاہد رضا رضوی

ہم اسکے باعزت شہری ہندوستان ہمارا ہے
ہم نے دلائی ہے آزادی یہ احسان ہمارا ہے

ملک کی خاطر سب سے پہلے جان کی اپنی دی قربانی
ہاں میسور کا شیر ہے ٹیپو جو سلطان ہمارا ہے

جس نے پہلے فتویٰ دیا ہے انگریزوں سے لڑنے کا
وہ علامہ فضل حق قائد، ذیشان ہمارا ہے

سب سے پہلے دیش کی خاطر دی سید کافی نے جان
میرے آقا کا وہ بیٹا ہوا قربان ہمارا ہے

اس گلشن کو ہم نے سینچا اپنے خون پسینے سے
پڑی ضرورت جب بھی اسکو دی وہ جان ہمارا ہے

تاج محل ہم نے بنوایا لال قلعہ بھی اپنا ہے
بڑھتی ہے دنیا میں جس سے آن بان ہمارا ہے

بلند دوار جامع مسجد قطب مینار اور چار مینار
ہم نے ہی تعمیر کرائی یہ سارا مکان ہمارا ہے

مر جائیں گے پر نہ کریں گے تجھ سے دغا اے میرے وطن
ہم ہیں غلام سرور عالم یہ ایقان ہمارا ہے

اسی کی مٹی سے ہم جنمیں اور یہیں پہ دفن بھی ہونگے
نہ چھوڑیں گے وطن کبھی بھی یہ اعلان ہمارا ہے

چلتی ہے اس ملک میں چلتی بیشک میرے خواجہ کی
ہم کو اس پر ناز ہے شاہد ہندوستان ہمارا ہے

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

قومی گیت: پھر دیش کو سرسبز بنا کیوں نہیں دیتے

نتیجہ فکر: محمد زاہد رضا بنارسی پھر دیش کو سرسبز بنا کیوں نہیں دیتےتم اس …

جواب دیں

آپ کا ای میل ایڈریس شائع نہیں کیا جائے گا۔