قومی ترانہیوم آزادی و یوم جمہوریہ

دلوں کی کلیاں کھلاتا ہے یوم آزادی

دلوں کی کلیاں کھلاتا ہے یوم آزادی
خوشی کا رنگ چڑھاتا ہے یوم آزادی

ہنسی خوشی سے رہیں ہم تمام اہل وطن
اہنسا ہم کو سکھاتا ہے یوم آزادی

مٹا کے بغض دلوں کا ہم ہند والوں کا
سبق وفا کا پڑھاتا ہے یوم آزادی

وطن کے واسطے خونِ جگر بہانے کا
جنون ہم کو دلاتا ہے یوم آزادی

جہاں میں نور سے اپنے اجالا کردے جو
چراغ ایسا جلاتا ہے یوم آزادی

تمام اہل وطن پی کے مست ہوتے ہیں
شراب زیست پلاتا ہے یوم آزادی

یہ ملک ہندو مسلماں سبھوں کا ہے اظہر
امن سے رہنا سکھاتا ہے یوم آزادی

محمد اظہر شمشاد مصباحی
آسنسول بنگال

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button