مفتیء اعظم کے پیارے مفتیٔ اعظم برار
چرخ علم دیں کے تارے مفتیٔ اعظم برار
ہے منور آپ سے فتویٰ نویسی کا علم
فقہ کی آنکھوں کے تارے مفتیٔ اعظم برار
علم و فن کی کہکشاں پرنور ذات پر صفات
آپ سے روشن ستارے مفتیٔ اعظم برار
تر بتر ہے آپ کی توصیف میں ہر اک زباں
طالبوں کے ہیں سہارے مفتیٔ اعظم برار
کی جنھوں نے مسلک حق کی اشاعت عمر بھر
ہیں رضا کے وہ دلارے مفتیٔ اعظم برار
نام ہے عبد الرشید ان کا بہت ہی معتبر
آپ پر سب جائیں وارے مفتیٔ اعظم برار
جو شفق رشد و ہدایت سے ہے عینی منسلک
اس شفق کے ہیں کنارے مفتیٔ اعظم برار
۔۔۔۔
ازقلم: سید خادم رسول عینی قدوسی ارشدی
