رجب المرجبمذہبی مضامین

ماہ رجب کی فضیلت

مکرمی!

الحمد للہ ثم الحمد للہ رجب شریف کا چاند نکل آیا، اور اس بابرکت مہینے کا آغاز ہو چکا ہے۔ اسلامی سال کے ساتویں مہینہ کا نام رجب المرجب ہے۔ اور اس نام کی ایک خاص وجہ تسمیہ یہ ہے کہ رجب ترجیب سے ماخوذ ہے اور ترجیب کا معنی تعظیم کرنا ہے۔ یہ حرمت والا مہینہ ہے اس مہینے میں جدال و قتال نہیں ہوتے تھے اس لیے اسے الاصم رجب کہتے تھے کہ اس میں ہتھیاروں کی آواز میں نہیں سنی جاتیں۔ اس ماہ کو اصبہ بھی کہا جاتا ہے کیوں کہ اس ماہ میں اللہ عزوجل اپنے بندوں پر رحمت و بخشش کا خصوصی انعام فرماتا ہے۔ اس ماہ میں عبادات اور دعائیں مستجاب ہوتی ہیں۔ اس مقدس ماہ کی ستائیس تاریخ کو اللہ تعالیٰ نے اپنے آخری پیغمبر صلی اللہ تعالیٰ علیہ وسلم کو معراج کرایا، آسمانوں کی سیر کرائی اور ملاقات کا شرف بخشا۔ سلطان صلاح الدین ایوبی نے سن 583ھ ، 1187ء کو رجب شریف میں فتح بیت المقدس کے بعد مسلمانوں کے ہمراہ مسجد اقصیٰ میں فاتحانہ شان و شوکت کے ساتھ داخل ہو کر عاجزانہ سجدہ شکر ادا کرنے کا شرف حاصل کیا ۔ ” الجامع الصغیر (ص 7948) میں ہے کہ رجب کے پہلے دن کا روزہ تین سال کا کفارہ ہے۔ اور دوسرے دن کا روزہ دو سال کا ، اور تیسرے دن کا ایک سال کا کفارہ ہے ۔ پھر ہر دن کا روزہ ایک مہینے کا کفارہ ہے۔

آصف جمیل امجدی

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button