خدا کی مہربانی

<p>بڑی شہرت ہے چرچا ہے خدا کی مہربانی ہےخودی کا بول بالا ہے خدا کی مہربانی ہے</p>
<p>غلام مصطفی ہوں اس لئے اوج ثریا پرمقدر کا ستارا ہے خدا کی مہربانی ہے</p>
<p>فضاؤں سے مٹانے کو شب دیجور کی وحشتفلک پر چاند آیا ہے خدا کی مہربانی ہے</p>
<p>شرف حاصل ہے مجھکو شہر طیبہ کی زیارت کامحبت کا یہ ثمرہ ہے خدا کی مہربانی ہے</p>
<p>دخل اعمال کااس میں نہ محنت کا ہے یہ ثمرہدر مولا سے رشتہ ہے خدا کی مہربانی ہے</p>
<p>مرے ہاتھوں میں جو دامن ہے سرکار دوعالم کایہ فضل رب تعالی ہے خدا کی مہربانی ہے</p>
<p>جبین قلب مضطر کو جھکانے کے لئے اپنیدر محبوب پایا ہے خدا کی مہربانی ہے</p>
<p>جہان حسن پر بھی بر بنائے الفت سرورسرور عشق چھایا ہے خدا کی مہربانی ہے</p>
<p>فلک بھی ناز کرتا ہے مرے اونچے مقدر پرعلو پایہ بہ پایہ ہے خدا کی مہربانی ہے</p>
<p>جبلت انس کی ہےانس بھی ہے مری فطرت میںبشر میرا کنایہ ہے خدا کی مہربانی ہے</p>
<p>رکھی ہے سادگی میری سرشت تیزگامی میںدرخشندہ سراپا ہے خدا کی مہربانی ہے</p>
<p>حصار کون کے اس اژدھام کل خلائق میںمجھے اشرف بنایا ہے خدا کی مہربانی ہے</p>
<p>فناء القادری تقوی اساس عشق ہے میرایہی میرا اثاثہ ہے خدا کی مہربانی ہے</p>
<p>ازقلمذاکر نوری فناءالقادری</p>