آنکھ ہےگِریاں ترے لیے

<p>حضرت مفتی نظام الدین نوری نوراللہ مرقدہ کی یاد میں تڑپتے ہوئے دل کی آواز …</p>
<p>تو چل دیا تو آنکھ ہے گِریاں ترے لیےمضطرہےدل اے نورئ ذیشاں ترے لیے</p>
<p>سرمایۂ ہنر کے امیں ، اے نظامِ دیںغم گین ہے ادب کا دبستاں ترے لیے</p>
<p>ایسا الم ہے گلشنِ فیض الرسول کوہیں سارے گل تپیدہ و سوزاں ترے لیے</p>
<p>آدھے فلک پہ ڈوبا اچانک ترا ہلالمُضطر ہے چرخ ، اے مہ تاباں ترے لیے</p>
<p>فیضِ نگاہِ نوری و اختر کے اے گہرروشن ہوئے خزینۂ عرفاں ترے لیے</p>
<p>فکر رضا کے ناشر و بے باک ترجماںدائم دفاعِ حق رہا عنواں ترے لیے</p>
<p>ضربِ کلیم تھی تری تقریر کی دھمکصد آفریں ! اے غازئِ میداں ترے لیے</p>
<p>اخلاق اور علم کا سنگم تھی تیری ذاتکیوں کر بہیں نہ اشکِ فَراواں ترے لیے</p>
<p>اعلٰی تری خطابت و تدریس و شاعریافسردہ ہیں تمام سُخن داں ترے لیے</p>
<p>اب بھی یقیں نہیں ہے تری موت کا ہمیںکھولے ہوئے ہیں دید کے ایواں ! ترے لیے</p>
<p>جانے کدھر سے وصل کی تنویر مسکراےہرسو نظر ہے جلوۂ جاناں ! ترے لیے</p>
<p>اے جانے والے ! دیکھ پلٹ کر پھر ایک بارہر سمت ہیں چراغ ، درخشاں ترے لیے</p>
<p>اب بھی وہی ہجوم ، وہی دھوم ہے مگرہے ساری بزم ، اشک بَداماں ترے لیے</p>
<p>تربت پہ، التجاے فریدی کے گل ہیں پیشباغِ جناں عطا کرے یزداں ترے لیے</p>
<p>ازقلم: سلمان رضا فرؔیدی صدیقی مصباحیمسقط عمان0096899633908</p>