اشکِ توبہ

<p>اشکِ توبہ سے ہر اک آنکھ کو دھویا جائےدامنِ دل کو نَدامَت سے بھِگویا جائے</p>
<p>چشمِ ہستی پہ نہ ہو کوئ حجابِ غفلتکرکے احساس ، ہر اک جُرم پہ رویا جائے</p>
<p>اِنقِلاب آئے طبیعت میں ہمیشہ کے لیےجوشِ رمضان کو فطرت میں سَمویا جائے</p>
<p>مسجدِ دل میں ہوں بیدار اذاں کے نغمےبندگی چھوڑ کے غفلت میں نہ سویا جائے</p>
<p>جس سے ہر سانس میں ہو یادِ خدا کی تسبیحدل کے دھاگے میں گُہر ایسا پِرویا جائے</p>
<p>تاکہ اعمال میں آئے نہ رِیا کی خشکیبحرِ اِخلاص میں ہستی کو ڈُبویا جائے</p>
<p>جس کے پھولوں میں تکبر کا کوئ رنگ نہ ہوبیج ایسا ، چَمَنِ فکر میں بویا جائے</p>
<p>اے فریدی ! چلو مَصروفِ عبادت ہوجائیںغفلتوں میں یوں ہی ، یہ وقت نہ کھویا جائے</p>
<p>ازقلم: سلمان رضا فریدی صدیقی مصباحی مسقط عمان</p>