نظم: حافظِ قرآں

<p>ازقلم: سلمان رضا فریدی صدیقی مصباحی، بارہ بنکوی، مسقط عمان</p>
<p>اسلام کے خورشیدِ مُبیں ، حافظِ قرآںاعزازِ فلک ، شانِ زمیں حافظِ قرآں</p>
<p>سینےمیں ہےقرآن کی دولت کا خزانہہیں رب کی امانت کےامیں حافظ قرآں</p>
<p>انکے لیے دارین میں ہے تاجِ کرامتہیں قصرِ فضیلت کے مکیں حافظ قرآں</p>
<p>قرآں کا جمال ایسا ہے کردار کے اندرہیں سارے حسینوں سے حسیں حافظ قرآں</p>
<p>محشر میں عطاہوگا انھیں اذنِ شفاعتامت کے مددگار و معیں ، حافظ قرآں</p>
<p>آج انکی بڑائ ، کوئ سمجھے کہ نہ سمجھےکل ہونگے یہی، تخت نشیں حافظ قرآں</p>
<p>یکتاے زمن ، انکے کمالوں کا چمن ہےرکھتے ہیں گُلِ صدق ویقیں حافظ قرآں</p>
<p>معمولی غذا ، ٹوٹی چٹائ پہ گذارہپھربھی نہ ہوئے"چِیں بہ جبیں" حافظ قرآں</p>
<p>تب جا کے کہیں "لقمۂ تر" انکو ملا ہےیہ کھا کے بنے "نانِ جَوِیں" حافظ قرآں</p>
<p>قرآن کا یہ حفظ ،، کرامت سے نہیں کمخم آپ کے در پر ہے جبیں ، حافظ قرآں</p>
<p>ہرحال میں جینے کا ہنر آتا ہے ان کومایوس کبھی ہوتے نہیں ، حافظ قرآں</p>
<p>اسلام کی خدمت میں، اٹل انکے ارادےرکھتے ہیں عجب "عزمِ متیں" حافظِ قرآں</p>
<p>بیمارکو ملتی ہے شفا ان کی دعا سےہیں باعثِ تسکینِ حزیں ، حافظِ قرآں</p>
<p>ہم سب پہ یقینًا بڑا احسان ہے ان کاہیں رہبر حق ،محسنِ دیں حافظ قرآں</p>
<p>اللہ کی رحمت کے اترتے ہیں خزانےہوتے ہیں جہاں جلوہ نشیں حافظ قرآں</p>
<p>خدماتِ مدارس پہ فدا ہیں دل مومنصدآفریں ، بنتے ہیں یہیں حافظِ قرآں</p>
<p>اُس شخص سےاللہ بھی ہوجاتا ہے ناراضجس سے ہوے ناراض کہیں، حافظ قرآں</p>
<p>تاحشر، وجود ان کا چمکتا ہی رہے گاہیں خاتَمِ ملت کےنگیں، حافظ قرآں</p>
<p>سَر انکی عقیدت میں جھکا، توبھی فریدیلے جائیں گے فردوسِ بریں حافظ قرآں</p>
<p>نانِ جَوِیں: جوکی روٹی، مجازا روکھی سوکھی</p>
<p>چِیں بَجَبِیں: ماتھے پرشکن پڑنا، شکوہ شکایت</p>