ہماری روح ہمارا نشان ہے قرآن

<p>قرار قلب ہے مومن کی جان ہے قرآنہماری روح ہمارا نشان ہے قرآن</p>
<p>ہر ایک شئ کی حقیقت کا ذکر ہے اس میںنہ سمجھو تم کہ فقط داستان ہے قرآن</p>
<p>ہے کائنات کا ہر علم اس میں ہی پنہاںخدا کے فضل کا بین نشان ہے قرآن</p>
<p>ہر ایک دور میں ہر قوم کے لیے ہے مفیدہدایتوں کا مکمل جہان ہے قرآن</p>
<p>عمر نے لایا تھا ایمان سن کے اک‌ آیتیقین مانیے ایماں کی جان ہے قرآن</p>
<p>اسی کے تحت بناتے ہیں ملک میں قانونجہاں میں آج بھی یوں حکمران ہے قرآن</p>
<p>تمھارے ذہن میں ترمیم کا نہ آئے خیالہے لازوال،‌ خدا کا بیان ہے قرآن</p>
<p>ضعیف ہو نہ سکے گی کبھی کوءی آیتجواں رہیگا، جواں تھا، جوان ہے قرآن</p>
<p>بڑے‌ ہی شوق سے عثماں غنی نے دی ترتیبوہ جانتے تھے کہ امت کی جان ہے قرآن</p>
<p>عبادت اس کی تلاوت ہے ، دیکھنا اس کایوں نیکیوں کا حسیں گلستان ہے قرآن</p>
<p>حروف ایسے ہیں اس میں کہ ہے شفا ان میںکلام رب کا، نبی کی زبان ہے قرآن</p>
<p>وہ ہونگے معتزلہ جو کہیں اسے مخلوقہمارے واسطے رب کا بیان ہے قرآن</p>
<p>ہمیں ضلال کے خنجر بھی کاٹ سکتے نہیںیقیں ہے "عینی" کہ حق کا نشان ہے قرآن۔۔۔۔ازقلم: سید خادم رسول عینی</p>