رخصت اے رمضاں

<p>اے کرم کے آسماں تیرے ستاروں کو سلامرخصت اے رمضاں ترے پاکیزہ جلوؤں کو سلام</p>
<p>چشمِ حسرت، رو رہی ہے تجھ کو جاتا دیکھ کربے بہا دن اور تری انمول راتوں کو سلام</p>
<p>اے بہار باغ جنت ، ماہِ رمضاں الوداعتیری خوشبو دار صُبحوں اور شاموں کو سلام</p>
<p>رب سے بندوں کا ہوا جن میں خصوصی رابطہوصل کے ایسے عظیم الشان لمحوں کو سلام</p>
<p>ایسی بارش جس سے عاصی کی خطائیں دُھل گئیںاُن برسنے والی پیاری پیاری بوندوں کو سلام</p>
<p>قلب و لب ، ذکر و درود و نعت و قرآں میں مگنجنّتی ماحول اور فردوسی نغموں کو سلام</p>
<p>دل میں سوز و درد اور آنکھوں میں اشکوں کا ہجومتوبہ کرنے والی آہوں اور دعاؤں کو سلام</p>
<p>اے مہِ رمضاں تجھے کیسے کہوں میں الوداعاے سخی ! تیری کریمانہ عطاؤں کو سلام</p>
<p>جانے سے پہلے ، ترے آنے کی لب پر ہے دعااے مرے مہماں، تری صحبت کے لمحوں کو سلام</p>
<p>بڑھ گیا ہے دل کے اندر طاعتوں کا ذوق و شوقخیر پر تیار کرنے والی گھڑیوں کو سلام</p>
<p>وہ چمک ، جس سے فریدی ! جان و دل روشن ہوئےمہربانی اور کرم کے اُن اجالوں کو سلام</p>
<p>ازقلم: سلمان رضا فریدی صدیقی مصباحی مسقط عمان</p>