اسلاف جیسی فکر و بصیرت نہیں رہی

<p>مہر و وفا، خلوص، عقیدت نہیں رہیافسوس آج ہم میں شرافت نہیں رہی</p>
<p>بھائی کا خون بھائی ہی اب چوسنے لگایعنی ہمارے بیچ اخّوت نہیں رہی</p>
<p>اخلاق کیا ہے، اس سے نہیں ہم کو کچھ غَرضاب پہلے جیسی ہم میں مروّت نہیں رہی</p>
<p>انسانیت کا اب تو جنازہ نکل چکاانسان کی جہان میں قیمت نہیں رہی</p>
<p>ہر گھر میں اختلاف، ہر اک جا ہے انتشارافسوس اپنی قوم میں وحدت نہیں رہی</p>
<p>دستار اپنے سر پہ فضلیت کی ہے ضرورلیکن حقیقی ہم میں فضیلت نہیں رہی</p>
<p>مالِ حرام، جھوٹ، دغا عام جب ہوااپنی کمائی میں کوئی برکت نہیں رہی</p>
<p>یہ بھی ہے اک نشانی قیامت کی، ہم میں آجاسلاف جیسی فکر و بصیرت نہیں رہی</p>
<p>ہر فرد قوم کا ہے ملازم بنا ہواکیوں ہم میں آج شانِ تجارت نہیں رہی</p>
<p>کیوں پوچھے حال چال، خبر خیریت کوئیاشرف کی جب کسی کو ضرورت نہیں رہی</p>
<p>محمد اشرف رضا قادریمدیر اعلیٰ سہ ماہی امین شریعت</p>