سید الانبیاء و سردار اولیاء

<p>آقاے دو جہاں محبوب خدا ﷺ اپنی عمر مبارک کے اخیر حصے میں صوم وصال رکھتے تھے ۔ ( صومِ وِصال : یعنی سحر و افطار کے بغیر مسلسل روزے رکھنا ) ، یہ دیکھ کر صحابۂ کرام رضی اللہ تعالی عنہم نے بھی اس طرح سے روزہ رکھنا شروع کر دیا ، تو سرکار دو عالم صلی اللہ تعالی علیہ وسلم نے صحابہ کرام سے ارشاد فرمایا</p>
<p>«أَيُّكُمْ مِثْلِيْ ، إِنِّي أَبِيتُ يُطْعِمُنِي رَبِّي وَ يَسْقِينِ» ( بخاري شريف )ترجمہ : تم میں کون ہے میری طرح ؟ میرا تو حال یہ ہے کہ میں رات گزارتا ہوں اور میرا رب مجھے کھلاتا پلاتا ہے ۔</p>
<p>اب سرکار غوث پاک رضی اللہ تعالیٰ عنہ کا فرمان سنیں ،قصیدہ غوثیہ شریف میں سرکار غوث پاک رضی اللہ تعالیٰ عنہ کا فرمان ہے ۔</p>
<p>فَمَنْ فِيْ أَوْلِيَاءِ اللّٰهِ مِثْلِيْوَمَنْ فِي الْعِلْمِ وَالتَّصْرِيْفِ حَالِيْ</p>
<p>ترجمہ : اللہ کے ولیوں میں کون ہے وہ جو میری طرح ہو ؟ کون ہے وہ جو علم و تصرف میں میرے برابر اور میرے ٹکر کا ہوسبحان اللّٰہ ، سبحان اللّٰہ</p>
<p>اور سرکار غوث پاک رضی اللہ تعالیٰ عنہ کے کھانے پینے کا حال یہ ہے کہ رب فرماتا ہے :«یا عبد القادر بحقی علیك كُلْ ، و بحقي عليك اشرب» ( بهجة الأسرار )یعنی اے عبد القادر! تجھے میرے اس حق کی قسم جو تجھ پر ہے! تو کھا لے ، تجھے میرے اس حق کی قسم جو تجھ پر ہے! تو پی لے</p>
<p>سچ کہا گیا ہے :</p>
<p>غوث اعظم درمیانِ اولیاءچوں محمد درمیانِ انبیاء</p>
<p>یعنی اولیاء کرام کے درمیان غوث اعظم کا وہی مرتبہ ہے جو مرتبہ انبیاء کرام علیہم السلام کے درمیان حضور ﷺ کا ہے۔</p>
<p>جل جلالہ ، علی نبینا و علیہم الصلوٰۃ و السلام ، رضی اللہ تعالیٰ عنہم اجمعین</p>
<p>ازقلم: محمد شہاب الدین علیمی</p>