نعتِ رسول: اے جلوۂ محبوب نہ جا آ کے نظر میں

<p>ازقلم: طفیل احمد مصباحی</p>
<p>اخلاص کا خامہ ہو عطا دستِ ہنر میںہو عمر بسر وصفِ شہِ جن و بشر میں</p>
<p>توصیف و ثنائے شہِ ابرار کے باعثشامل ہے تب و تاب مری فکر و نظر میں</p>
<p>پُر نور بنا دے مرے ہر خواب کا منظر" اے جلوۂ محبوب نہ جا آ کے نظر میں "</p>
<p>اے منکرِ سرکار ! نظر کیوں نہیں آتااعجاز پیمبر کا تجھے شقِّ قمر میں</p>
<p>دیکھو کہ سمٹ آئی ہے ہر ایک فضیلتاللہ کے محبوب شہِ جن و بشر میں</p>
<p>آقا نے جو پھونکا تھا کبھی صورِ عدالتہے آج بھی ایوانِ جفا زیر و زبر میں</p>
<p>جب کروٹیں لیتی ہیں تمنائے زیارتاک ہُوک سی اٹھتی ہے مرے قلب و جگر میں</p>
<p>دنیا کو یہ انجام بتا دیجیے احمدؔ !گستاخِ پیمبر کا ٹھکانہ ہے سقر میں</p>