کس نے تجھے کہا ؟ کہ لہو بولتا نہیں !

<p>متنازع حالات کے وقت جامع مسجد سنبھل کے اسی علاقے میں میری موجودگی نے تن بدن کے ساتھ ذہن و فکر کو جھنجھوڑ دیا تھا ان خیالات کے بعض اجزاء کو ہی نظم کیا جا سکا-----</p>
<p>سب لٹ گیا ہے جس کا یہاں کچھ بچا نہیںاب کیا کرے وہ جس کا کوئی راستہ نہیں</p>
<p>اے خاکِ ہند ! تجھ میں تو آزاد ہیں سبھیلیکن بتا کہ ہم بھی ہیں آزاد یا نہیں ؟</p>
<p>آزادیِ وطن کے لیے تیری گود میںتو ہی بتا کہ خونِ مسلماں بہا نہیں ؟</p>
<p>سستا ہے تیرا خون اے شہزادۂ وطن !!ہے قیمتی مگر وہ مسلمان کا نہیں !</p>
<p>مشہَد میں بولتے ہوئے دیکھا ہے میں نے آجکس نے تجھے کہا ؟ کہ لہو بولتا نہیں !</p>
<p>جب چاہے جو بھی چاہے کرے دعویِ فضولقانون کا کسی کو لحاظ و ادا نہیں !</p>
<p>منصف مزاج لوگ ہیں بازار میں بہتحق کے لیے کسی کا مگر مُنہ کُھلا نہیں !</p>
<p>ویران کیوں ہے صبح کا منظر عجیب ہےغمگین شام گاہ کبھی یوں ہوا نہیں !</p>
<p>اہلِ ستم کو بول یہ ہے آہِ نیم شبمت سوچ ظلم روکنے والا خدا نہیں !</p>
<p>اجڑا دیار ، لاشیں ملی ، اور مقدماتتاریخِ ظلم و جبر میں کیا کیا مِلا نہیں !</p>
<p>آصفؔ ہجومِ شہر تو دیکھی نگاہ نےسنّاٹا اس سے پہلے کبھی یوں دِکھا نہیں !</p>
<p>ابن التہذیبمحمد آصفؔ نوریمولانا آزاد نیشنل اردو یونیورسٹی</p>