نعت : باغ فن میں نعت کی باد بہاری واہ واہ
<p>رشحات قلم : محمد اشرفؔ رضا قادری</p>
<p>کلکِ قدرت نے تری صورت سنواری واہ واہتیری سیرت کے محل کی پائداری واہ واہ</p>
<p>مصطفیٰ کے وصف کی سرسبز کیاری واہ واہباغِ فن میں نعت کی بادِ بہاری واہ واہ</p>
<p>جامعِ جملہ محاسن، حاملِ فضل و کمالہو رہی ہے ساری دنیا میں تمہاری واہ واہ</p>
<p>زہد کی تعلیم تجھ سے لیتے ہیں کُل اتقیاءمنبعِ تقویٰ تری پرہیز گاری واہ واہ</p>
<p>ہر گھڑی صلِّ علیٰ صلِّ علیٰ کے ورد سےمیرے خستہ حال دل کی سازگاری واہ واہ</p>
<p>رنج و غم میں جب کہا ہم نے اغثنی یا رسوللگ گئی ساحل سے پھر کشتی ہماری واہ واہ</p>
<p>اپنے الطافِ کریمانہ سے اے جانِ مسیحدور کردی تو نے میری نابکاری واہ واہ</p>
<p>رات کی تنہائیوں میں اپنی امّت کے لیےرب کے آگے مصطفیٰ کی آہ و زاری واہ واہ</p>
<p>محفلِ قصرِ دنیٰ میں جو ہوئی تھی گفتگوخاص تھی وہ گفتگوئے راز داری واہ واہ</p>
<p>پل رہے ہیں تیرے ٹکڑوں پر سگانِ کوئے توبھر رہے ہیں جھولیاں در سے بھکاری واہ واہ</p>
<p>دعوت و تبلیغ سے پیدا کیا اک انقلابزندگی رب کی اطاعت میں گذاری واہ واہ</p>
<p>نعت گوئی، مدح خوانی کی بدولت آپ نےزندگی اشرفؔ رضا کی ہے سنواری واہ واہ</p>
تبصرے (0)
شائع کردہ
Assistant Editor
★★★★★
نیوز ہوم کے رپورٹر
اسی زمرے میں مزید

وجوہ اعراب کے اعتبار سے اسم متمکن کی جملہ اقسام

چالیس مختصر اور چھوٹی حدیثیں




