حمدِ خدا کرتے ہیں

<p>نتیجہ فکر: محمد اشرفؔ رضا قادریمدیر اعلی سہ ماہی امین شریعت</p>
<p>سارے ہی جن و بشر حمدِ خدا کرتے ہیںباغِ عالم کے شجر حمدِ خدا کرتے ہیں</p>
<p>بدر و انجم ہیں بصد شوق ثنا میں مصروفکہکشاں، شمس و قمر حمدِ خدا کرتے ہیں</p>
<p>اس کی تسبیح میں مشغول ہے ذرہ ذرہبا ادب سارے حجر حمدِ خدا کرتے ہیں</p>
<p>کر کے شبنم سے وضو عجز کا پیکر بن کرپھول بھی وقتِ سحر حمدِ خدا کرتے ہیں</p>
<p>نغمۂ حمد و ثنا بر لبِ اعضائے بدنقلب اور دیدۂ تر حمدِ خدا کرتے ہیں</p>
<p>گلشنِ دہر کا ہر پھول میں چرچا اس کاسنبل و برگ و ثمر حمدِ خدا کرتے ہیں</p>
<p>لفظ و معنی سے صدا آتی ہے ' اللہ، اللہ 'بے زباں برق و شرر حمدِ خدا کرتے ہیں</p>
<p>کلمۂ طیبہ پڑھتا ہے ملائک کا گروہبلبلِ سدرہ کے پَر حمدِ خدا کرتے ہیں</p>
<p>رب کی تحمید وظیفہ ہے قلم کاروں کاصاحبِ فکر و نظر حمدِ خدا کرتے ہیں</p>
<p>فقہ و تفسیر و حدیث اور معانی و اصولفکر و فن، علم و ہنر حمدِ خدا کرتے ہیں</p>
<p>کوئی شے اس کی ثنا سے نہیں غافل اشرفؔسب ہی بے خوف و خطر حمدِ خدا کرتے ہیں</p>