معراج مومنوں کے لئے کی گئی نماز

<p>جو بھی عمیقِ دل سےپڑھے واقعی نمازکر کے ہی چھوڑتی ہے اُسے متقی نماز</p>
<p>بے رغبتی سے پڑھتا ہو جو سرسری نمازکیسے عطا کرے گی اسے چاشنی نماز</p>
<p>شبیر آپ نے جو پڑھی آخری نمازایسی نہیں کسی سے ادا ہو سکی نماز</p>
<p>بس اہمیت نماز کی آپ ان سے پوچھئےجنکی قضا ہوئی نہیں اک وقت کی نماز</p>
<p>وہ تھی نمازِ عشق جو اصحاب نے پڑھیپڑھنےکو پڑھ رہےہیں سبھی آج بھی نماز</p>
<p>دکھلا دیا ہے سب کو ، فنا کیا بقا ہے کیاصابر نےخود جنازے کی اپنے پڑھی نماز</p>
<p>وہ تو خدا کی یاد میں رہتا ہے رات دنہر وقت ہوتی رہتی ہے مجذوب کی نماز</p>
<p>اللہ نے نبی کو عطا کی ہے عرش پرمعراج مومنوں کے لئے کی گئی نماز</p>
<p>ہمراہ سرکےجھکتے ہیں جب دل سجودمیںنیکی بدی کی دیتی ہے تب آگہی نماز</p>
<p>سر جیسے جیسے جھکتاگیا رب کے سامنےسر ویسے ویسے میرا اٹھاتی گئی نماز</p>
<p>قربِ رسول ، قربِ خدا اس کو ہی ملاسب کام چھوڑ چھاڑ کے جس نےپڑھی نماز</p>
<p>افسوس! بے جھجک جسے ہم چھوڑتے رہےچشمانِ مصطفی کی ہے ٹھنڈک وہی نماز</p>
<p>پڑھنے سے اس کے مٹتی ہیں ساری برائیاںساری عبادتوں میں ہے افضل تبھی نماز</p>
<p>سرکارِ دوجہاں کا یہ فیضان ہی تو ہےبندوں کو ان کے رب سے ملاتی رہی نماز</p>
<p>دل میں خشوع آتے ہی مختار دفعتاْرِق٘ت کے ساتھ آنکھ میں لائی نمی نماز</p>
<p>نتیجہ فکر: مختار تلہری ثقلینی، بریلی</p>