نہ آئے گا دوسرا صدیق

<p>منقبتِ پاک، خلیفۂ اول ، یار غار نبی، حضرت سیدنا ابوبکر صدیق ، رضی اللہ تعالیٰ عنہیومِ وصال ٢٢ جمادی الاٰخرہ</p>
<p>از فریدی صدیقی مصباحی ، بارہ بنکوی، مسقط عمان+96899633908</p>
<p>نبی کی چشمِ محبت کا معجزہ صدیقلبِ رسولِ معظم کی ہیں دعا صدیق</p>
<p>صداقتوں کا وہ مہتاب ، تا ابد نایابنہ آیا ، اور نہ آئے گا دوسرا صدیق</p>
<p>اُنہی پہ اُن کے خصائص کی ہوگئ تکمیلکہ ہیں ریاضئ عظمت کا دائرہ صدیق</p>
<p>قسم خدا کی یہ رفعت ہے لازوال ان کیجہاں میں سب سے بڑے، بعدِ انبیا صدیق</p>
<p>ہے اُن کی ذات مُشارُُ اِلَیہ ، قرآں میںنبی کے ساتھ ہیں اک فَردِ "اِذھُما" صدیق</p>
<p>وہ چرخِ عشق رسالت کے نیَّرِ اعظمہر ایک سینۂ مومن کی ہیں ضیا صدیق</p>
<p>حیاتِ پاک میں آقا کی ہر ادا محفوظہیں اک صحیفۂ اوصافِ مصطفیٰ صدیق</p>
<p>نشانِ حُبِ نبی بن گیا وجود ان کاادب کی شَکلِ مُجَسَّم ہیں با وفا صدیق</p>
<p>عقیدتوں کے وضو سے جسے پڑھیں کونینسراپا نعتِ نبی ، نغمۂ ثنا صدیق</p>
<p>نبی کا مُصحفِ رخ ، جس پہ تھا شبِ ہجرتبنے تھے غار میں وہ رحلِ خوشنما صدیق</p>
<p>اُنھیں مزاج شناسِ رسول کہتے ہیںتھے اس قدر دلِ سَرور سے آشنا صدیق</p>
<p>پسند آئ خدا کو بھی ان کی طرزِ وفانبی کی چاہ میں تھے ایسے خوش ادا صدیق</p>
<p>وہ جانثاری و وارُفتگی وہ سوز و گُدازکہاں ملے گی زمانے میں ، ماسوا صدیق</p>
<p>رسولِ پاک کا دیوانہ اُن سا کوئی نہیںہیں بحرِ عشق کے اک لعلِ بے بہا صدیق</p>
<p>رہی دفاعِ نبی میں فَصِیلِ جاں ان کیجری و صابر خوددار و با صفا صدیق</p>
<p>جہاں میں جتنے وفاؤں کے لفظ رائج ہیںسبھی کے معنی و تشریح و ترجمہ صدیق</p>
<p>شرافتیں بھی قسم کھائیں جن کی عزت کیہوۓ ہیں ایسے شَرَف ساز و پارسا صدیق</p>
<p>نہیں صداقت و حقانیت میں جن کی مثالوہ حق نواز و حق افروز و حق نما صدیق</p>
<p>عُمَر ، غنی و علی بھی سنورتے تھے جس سےاصولِ حق کا وہ پُرنور آئینہ صدیق</p>
<p>تمام اہلِ محبت جہاں کے ہیں تلمیذنصابِ عشقِ نبی کا وہ مدرسہ صدیق</p>
<p>زمانے والو چلو ! ان سے عظمتیں لے لوہر اک عروج و بلندی کا ہیں پتہ صدیق</p>
<p>زبانِ صدق و یقیں سے اُنھیں پکارو توکریں گے دُور زمانے کی ہر بلا صدیق</p>
<p>بلالِ حبشی کو پوشاکِ حُرّیَت بخشیہیں مومنوں کے مددگار و آسرا صدیق</p>
<p>خِرَد نے پوچھا کہ ہے کون عشق کا معیار ؟قلم اٹھا کے فریدی نے لکھ دیا صدیق</p>