تضمین بر منقبت حسنؔ بریلوی در شان خواجہ غریب نواز

<p>نتیجہ فکر: محمد اشرفِؔ رضا قادریمدیر اعلی سہ ماہی امین شریعت</p>
<p>بالیقیں منبعِ برکات ہے روضہ تیراوادیٔ یاس میں پِھرتا نہیں منگتا تیرابھر کے زنبیل لیے آتا ہے شیدا تیرا</p>
<p>خواجۂ ہند وہ دربار ہے اعلیٰ تیراکبھی محروم نہیں مانگنے والا تیرا</p>
<p>حسنِ ایمان و عقیدت کو جِلا دیتا ہےطالبِ شوق کو جنت کا پتہ دیتا ہےزندگانی کو نئی طرزِ ادا دیتا ہے</p>
<p>خفتگانِ شبِ غفلت کو جگا دیتا ہےسالہا سال وہ راتوں کو نہ سونا تیرا</p>
<p>تجھ سے ضوریز ہے ایوانِ طریقت پیارے!ہے تِری فکر کا عنوان شریعت پیارے!کس کو معلوم تِری شانِ ولایت پیارے!</p>
<p>ہے تِری ذات عجب بحرِ حقیقت پیارے!کسی تیراک نے پایا نہ کنارا تیرا</p>
<p>رنگ کا کرتی ہے چھڑکاؤ گلوں پہ شبنمدل کی دنیا کو بدل دیتا ہے سازِ سَرگَمتیری دہلیز پہ خوشبو کا گڑا ہے پرچم</p>
<p>کیا مہک ہے کہ معطر ہے دماغِ عالَمتختۂ گلشنِ فردوس ہے روضہ تیرا</p>
<p>اتحاد اور نہ تھوڑی سی بھی یکجائی ہےجانے کیوں تیرے غلاموں کی یہ پسپائی ہےایسی آئی نہ کبھی، جیسی گھڑی آئی ہے</p>
<p>تیرے ذرے پہ مصیبت کی گھٹا چھائی ہےاس طرف بھی کبھی اے مہر ہو جلوہ تیرا</p>
<p>تیرے برکات و کرامات کی دنیا ہے وسیعخاک بھی ہے تِرے روضے کی گراں قدر و وقیعمعترِف ہیں تِری عظمت کے اساطینِ جمیع</p>
<p>تجھ کو بغداد سے حاصل ہوئی وہ شانِ رفیعدنگ رہ جاتے ہیں سب دیکھ کے رُتبہ تیرا</p>
<p>اشرفِؔ رضوی تِرا داتا معین الدیں ہےغم کی کیا بات تِرا آقا معین الدیں ہےہند کا سب سے بڑا راجا معین الدیں ہے</p>
<p>محی دیں غوث ہیں اور خواجہ معین الدیں ہےاے حسنؔ کیوں نہ ہو محفوظ عقیدہ تیرا</p>