منقبت: ترے ہیں شمس و قمرتیری کہکشاں خواجہ

<p>نتیجہ فکر: سیدشاکرحسین سیفیصدر شعبۂ افتاء دارالعلوم محبوب سبحانی۔۔۔۔۔۔۔ ممبئی۔۔۔۔۔۔۔۔ انڈیا09892137196</p>
<p>ترے ہیں شمس و قمر تیری کہکشاں خواجہتو ارضِ ہند پہ رحمت کا آسماں خواجہ</p>
<p>ترا حصار ِ کرم ، قلعۂ ِ اماں خواجہاُسی چمن میں رہے میرا آشیاں خواجہ</p>
<p>سحاب ِ فیض ترا ، روز و شب برستا ہےہری بھری ہیں مرادوں کی کھیتیاں خواجہ</p>
<p>رواں ہے تجھ سے ہی دریائے خواجگانِ ہندتو نور ِ عشق کا ہے بحر ِ بے کراں خواجہ</p>
<p>ترے عصائے کرامت سے جادوگر ہارےیوں تیرا دستِ تصرف تھا ضوفشاں خواجہ</p>
<p>دلوں کے طُور ، صدا دیتے ہیں تجھے اَرِنِیجمال ِ رخ کی ہوں نازل ، تجلّیاں خواجہ</p>
<p>جو شعلہ بار ہیں اسلام کے نشیمن پرگرائے تیرا غضب اُن پہ بجلیاں خواجہ</p>
<p>ترے طریق پہ ہے مسلک ِ رضا ، قائمکہ جا بجا ترے تابندہ ہیں نشاں خواجہ</p>
<p>تری بہار نے جس دشت کو کیا گلشناُجڑ نہ جائے وہ بھارت کا گلستاں خواجہ</p>
<p>خزاں کو لانے کی تدبیر ہو رہی یہاںلہو لہو ہیں گلوں کی کہانیاں خواجہ</p>
<p>اگر تو چاہے تو آجائے انقلاب ابھیستمگروں کی اُلٹ جائیں کرسیاں خواجہ</p>
<p>جو اُڑ رہے ہیں جفا پیشہ آج کے جے پالسروں پہ اُن کے پڑیں تیری جوتیاں خواجہ</p>
<p>ہماری دولت ِ ایماں ، سدا رہے محفوظکبھی لُٹیں نہ دلوں کی تجوریاں خواجہ</p>
<p>ہمیں بھی ذوق ِ طریقت سے مالامال کریںکہ ہم بھی پہنیں تصوف کی گدڑیاں خواجہ</p>
<p>اگر لگاؤں شجر میں کسی وظیفے کامعًا پھلوں سے لدیں اُس کی ڈالیاں خواجہ</p>
<p>اُدھر سے لے کے اِدھر بانٹتے ہیں فیض ہمیںیہاں ہیں ہم ، تووہاں غوث ، درمیاں خواجہ</p>
<p>ہمارے دل ہیں تری بارگاہ میں حاضرہمیں نہ دور کریں گی یہ دوریاں خواجہ</p>
<p>تیرے جمال کا مہتاب ، چشم ِ دل دیکھےہٹیں نگاہ ِ تصور سے بدلیاں خواجہ</p>
<p>نہ غم کی دھوپ سے بے تاب ہو دلِ سیفیترے کرم کا رہے سر پہ سائباں خواجہ</p>