کردار کی شمشیر

<p>ازقلم: فریدی صدیقی مصباحی مسقط عمان</p>
<p>پاے جانبازی نہیں رُکتے کسی زنجیر سےسچ کبھی مرتا نہیں كِذ ب و جفا کے تیر سے</p>
<p>جنگ میں تعداد سے ہوتا نہیں ہے فیصلہفتح و نصرت ملتی ہے کردار کی شمشیر سے</p>
<p>بیٹیوں کو اک نئ تاب و توانائ ملیاے بہادر ! تیرے سوزِ لہجۂ دلگیر سے</p>
<p>دشمنِ اسلام کی آنکھوں میں آنکھیں ڈال کرتو نے اک ہلچل مچادی نعرۂ تکبیر سے</p>
<p>بے حیاؤں کو دیا ہے تونے غیرت کا پیامظلمتِ الحاد لرزاں ہے تری تنویر سے</p>
<p>جو نکلتے ہیں شریعت کی حفاظت کے لیےوہ نوازے جاتے ہیں پھر عزت و توقیر سے</p>
<p>دُور کیا ہوگا جفا سے ان کی ہمت کا خمارجام ملتا ہے جنھیں میخانۂ شبیر سے</p>
<p>سرفروشی کی ادا ، دیتی ہے ایسا ولولہجو نہیں ملتا بیان و وعظ اور تقریر سے</p>
<p>مال و جاں سب کچھ لُٹا کر بھی نہ جس کا دل بھرےعقل و دل عاجز ہیں ایسے عشق کی تفسیر سے</p>
<p>دل سے جو نکلے فریدی ! سچ کا جامہ اوڑھ کربات وہ لبریز ہوتی ہے سدا تاثیر سے</p>