منقبتِ مخدوم المشائخ حضور سرکارِ کلاں قدس سرہ

<p>نتیجہ فکر: فاضل میسوری</p>
<p>ہے زمانے پہ عیاں عظمتِ سرکارِ کلاںاولیا کرتے رہے خدمتِ سرکارِ کلاں</p>
<p>زور پروازِ تخیل کا نہ کچھ کام آیاکس قدر اوج پہ ہیں حضرتِ سرکارِ کلاں</p>
<p>شاہِ سمناں کی مسیحائی کے جلوے دیکھےآئی جب پیشِ نظر سیرتِ سرکارِ کلاں</p>
<p>مجھ سے بے نام نے اعزازِ نسب پایا ہےبارک اللہ یہ ہے برکتِ سرکارِ کلاں</p>
<p>یوں تو سرکار بہت دیکھے ہیں دنیا نے مگرہائے اب تک ہے جواں حسرتِ سرکارِ کلاں</p>
<p>ہم شبیہِ شہِ جیلاں ہی بتا سکتے ہیںتم کو معلوم نہیں قیمتِ سرکارِ کلاں</p>
<p>دشمنِ جاں کو بھی دیتا ہوں دعائیں, جب سےکی ہے فطرت نے مری بیعتِ سرکارِ کلاں</p>
<p>میں بھی مختارِ دو عالم کی رضا پاؤں گابخشوائے گی مجھے نسبتِ سرکارِ کلاں</p>
<p>آپ نے گر نہیں دیکھی ہے تو آئیں دیکھیںروئے محمود میں ہے طلعتِ سرکارِ کلاں</p>
<p>پوچھیے مفتئ اعظم کی نگاہوں سے کبھینور افروز تھی کیا صورتِ سرکارِ کلاں</p>
<p>میری نظروں میں معزز ہے وہی اے فاضلدل سے جو شخص کرے عزتِ سرکارِ کلاں</p>