نظم: والدین

<p>بابا جانی کروٹ لے کرہلکی سی آواز میں بولے</p>
<p>بیٹا کل کیا منگل ہوگا؟گردن موڑے بِن ، میں بولا</p>
<p>بابا کل تو بُدھ کا دن ہےبابا جانی سُن نہ پائے</p>
<p>پھر سے پوچھا، کل کیا دن ہےتھوڑی گردن موڑ کے میں نے</p>
<p>لہجے میں کچھ زہر مِلا کےمنہ کو کان کی سیدھ میں لا کے</p>
<p>دھاڑ کے بولا بُدھ ہے باباآنکھوں میں دو موتی چمکے</p>
<p>سُوکھے سے دو ہونٹ بھی لرزےلہجے میں کچھ شہد ملا کے</p>
<p>بابا بولے بیٹھو بیٹاچھوڑو دِن کو، دِن ہیں پورے</p>
<p>تم میں میرا حصّہ سُن لوبچپن کا اِک قصّہ سُن لو</p>
<p>یہی جگہ تھی میں تھا تُم تھےتُم نے پوچھا، رنگ برنگی</p>
<p>پھولوں پر یہ اُڑنے والیاس کا نام بتاؤ بابا</p>
<p>گال پہ بوسہ دے کر میں نےپیار سے بولا تتلی بیٹا</p>
<p>تُم نے پوچھا، کیا ہے بابا؟؟پھر میں بولا تتلی بیٹا</p>
<p>تتلی تتلی کہتے سُنتےایک مہینہ پُورا گزرا</p>
<p>ایک مہینہ پوچھ کے بیٹاتتلی کہنا سیکھا تُو نے</p>
<p>ہر اِک نام جو سیکھا تو نےکِتنی بار وہ پوچھا تو نے</p>
<p>تیرے بھی تو دانت نہیں تھےمیرے بھی اب دانت نہیں ہیں</p>
<p>باتیں کرتے کرتے تُو توتھک کے گود میں سو جاتا تھا</p>
<p>تیرے پاس تو بابا تھے نامیرے پاس تو بیٹا ہے نا</p>
<p>بُوڑھے سے اِس بچے کے بھیبابا ہوتے سُن بھی لیتے</p>
<p>تیرے پاس تو بابا تھے نامیرے پاس تو بیٹا ہے نا</p>
<p>(از راہِ کرم اپنے والدین کا بے حد ادب کریں اور سخت زباں سے پرہیز کریں۔۔۔۔اللہ تعالی آپ سب کے والدین کو صحت اور تندرستی والی لمبی زندگی عطاء فرماے اور جن کے والدین اس دنیا فانی سے کوچ کر گے ھے اللہ ان کی مغفرت فرماے آمین ثم آمین یا رب العالمین۔۔</p>