افتخار اہلِ حق آبروے دین وملت اولین مجاہدین اسلام اور شہیدان راہ وفا کو خراج عقیدت

<p>جہادِ راہِ حق میں ہیں مقدّم تین سو تیرہقیامت تک ہیں شانِ دینِ اکرم تین سو تیرہ</p>
<p>مقامِ بدر میں، اسلام کی عظمت بچانے کوکفن باندھے تھے اصحاب معظم تین سو تیرہ</p>
<p>ہمارےدین ومذہب کے نشاں سب مٹ چکے ہوتےنہ لہراتے اگر ملت کا پرچم ، تین سو تیرہ</p>
<p>نصابِ عزم و ہمت ، اُن کی طرز جانثاری ہےکہ تھا مرنا گوارہ ، پر نہ تھے خَم تین سو تیرہ</p>
<p>محبت آشنائ آج تک ہے لا جواب انکیہیں اب بھی افتخارِ بزم آدم تین سو تیرہ</p>
<p>صحابہ میں الگ ہی شان ہے بدری صحابہ کیہوئے ہیں مرتبے میں سب سے اعظم تین سو تیرہ</p>
<p>کہا سرکار نے "جسکو بھی جانا ہے چلا جائے"تو بولے یک زباں ہوکر، وہ باہم تین سو تیرہ</p>
<p>نہیں ہیں قوم موسیٰ کی طرح ہم بیٹھنے والےتری ناموس پر ، قربان ہیں ہم تین سو تیرہ</p>
<p>جفا کی آنچ ، ہرگزآپ تک آنے نہیں دینگےرہینگے ساتھ ہم ، تا آخری دم تین سو تیرہ</p>
<p>اُنہیں اللہ نے ایسی جواں مردی عطا کی تھیقسم کھائ ، لڑینگے یوں ہی پیہم تین سو تیرہ</p>
<p>مدارِشوکت اسلام ہیں ، قربانیاں اُن کییقیناً ہیں سُتونِ دینِ محکم تین سو تیرہ</p>
<p>خدانے انکو "لاخوفٌ" کے ایسے تاج بخشے ہیںرہیں گے تا ابد مسرور و بے غم تین سو تیرہ</p>
<p>اب اُنکے بحرِہستی میں ہیں دائم نورکی موجیںبقاےحق کےجلوؤں میں ہوے ضَم تین سوتیرہ</p>
<p>ہلالِ لازوال ان کو کیا عشق رسالت نےکسی آندھی سے اب ہونگے نہ مَدَّھم تین سو تیرہ</p>
<p>مقام بدر پہلا کربلا ہے ، حق پرستوں کاسدا ہیں کاروانِ دیں کے ہمدم تین سوتیرہ</p>
<p>چمک اٹھتا ہے دل، جس وقت اُنکی یاد آتی ہےکہ ہیں ایماں کے خورشید مکرم تین سو تیرہ</p>
<p>ہے اعداے نبی سے جنگ انکی آج بھی جاریہراک دشمن پہ ہیں تاحشر برہم تین سو تیرہ</p>
<p>فریدی انکی جرأت کو فرشتوں نے سلامی دیبراےحق، ہوئے ایسے مُنظَّم تین سو تیرہ</p>
<p>ازقلم: سلمان رضا فریدی مصباحی بارہ بنکوی مسقط عمان</p>