شانِ حفاظِ قرآن کریم

<p>ماہ رمضاں دیتا ہے اک تازگی حفاظ کوسب سے بڑھ کر ملتی ہے اس میں خوشی حفاظ کو</p>
<p>پختگی آ جاتی ہے حفظ کلامِ پاک میںملتی ہے قرآں کی تازہ روشنی حفاظ کو</p>
<p>پوچھیے مت ، وہ تراویح و تلاوت کا سُرورہر گھڑی ملتی ہے اک لذت نئ حفاظ کو</p>
<p>مسجدوں کی رونقیں پوری نہیں ان کے بغیرہم سلامی پیش کرتے ہیں سبھی حفاظ کو</p>
<p>دورۂ قرآن کی تکمیل ہے عیدوں کی عیدجس سے ملتی ہے نئ اک زندگی حفاظ کو</p>
<p>حشر میں تاجِ شفاعت بخشا جائے گا اِنھیںواہ کیسی شان و شوکت رب نے دی حفاظ کو</p>
<p>پائیں گے تعدادِ آیت کے برابر منزلیںکردیا قرآں نے ایسا جنّتی حفاظ کو</p>
<p>حفظ اور حُسنِ عمل، دونوں کو رکھیں بر قرارفضلِ مولیٰ سے فضیلت ہے بڑی حفاظ کو</p>
<p>اِنکےحلقے کا فریدؔی بھی ہے اک ادنیٰ سا فردپیش ہے یہ ارمغانِ شاعری حفاظ کو</p>
<p>ازقلم: سلمان رضا فریدی صدیقی مصباحی، بارہ بنکوی، نوری جامع مسجد مدینۃ العرفان مسقط عمان</p>