یادِ حضرت ابراہیم خلیل اللہ علیہ السلام

<p>نام آیا جب لبوں پہ خدا کے خلیل کافیضان جاری ہوگیا ربِ جلیل کا</p>
<p>معمار ہیں وہ خانۂ پروردگار کےکعبہ نشاں ہے آپ کی یادِ جمیل کا</p>
<p>اِتنا بلند آپ کا اَیوانِ ذات ہےدہلیز پر خمیدہ ہے سَر جبرئیل کا</p>
<p>قرآں میں ذکرِ پاک ہوا، جن کا بار بارکیا ہی شرَف ہے ایسے نَجیب و اَصِیل کا</p>
<p>قربانیوں کی شکل میں باقی ہے یادگارتازہ ہے باغِ صبر و رضا، اُس نَبیل کا</p>
<p>راہِ وفا میں عشق نے سب کچھ لُٹا دیااُس پر اثر ہوا نہ خِرَد کی دلیل کا</p>
<p>مہر و مہ و نجوم ، مرے سامعین ہیںمیں ذکر کررہا ہوں ذبیح وخلیل کا</p>
<p>سُنیے بَغور " یٰاَبَتِ افْعَل " کی دھڑکنیںاِیثار، "اِبن" میں بھی ہے "اَب" کے قَبیل کا</p>
<p>اُس مکتبِ وفا کی ہے شاگرد کائناتعالَم گدا ہے اُن کے کرم کی فَصیل کا</p>
<p>میں نے کیا جو چشمۂ زمزم کا تذکرہپانی اتر گیا ہے فُرات اور نِیل کا</p>
<p>وہ افضلُ الرُّسُل ہیں مرے مصطفیٰ کے بعدکردار لازوال ہے اُس بـے مَثِیل کا</p>
<p>واجب ہوئ مقامِ بَراہیم پر نمازَسَرخم ہو بعدِ طَوف ، مُقیم و نَزِیل کا</p>
<p>سرکار کو دعاۓ بَرَاہیم کہتے ہیںاحسان مند ہے یہ جہاں اُس کفیل کا</p>
<p>رب نے جسے پَیمبرِ خَتمُ الرُّسُل کہاوہ بے مثال گُل ہے اِنہی کے نَخِیل کا</p>
<p>یہ جو "حرم" میں جلوۂ حُسن و جمال ہےصدقہ ہے اُس حَسِین و وَجِیہ و شکیل کا</p>
<p>دائم جو باغِ مکہ میں رہتی ہے تازگییہ رنگ ہے دعا کی اُسی سَلسَبِیل کا</p>
<p>وہ چاہیں، تو ابھی ہوں زمانے کے رنج دُورقصہ ہے صرف ایک نگاہِ قلیل کا</p>
<p>پڑھ پڑھ کے اُس پہ نامِ بَراہیم دم کرویہ نسخۂ شفا ہے مریض و عَلیل کا</p>
<p>اُن کا وسیلہ رد نہیں کرتا خدائے پاککیا رتبہ ہے ہمارے نصیر و وکیل کا</p>
<p>کوشش یہ تھی کہ اُن کے کمالات ہوں رقمآغاز بھی نہ ہوسکا راہِ طویل کا</p>
<p>نیکوں کی شان ایسے ہی کرتے رہو بیاںیہ سلسلہ فریدی ! ہے اجرِ جَزیل کا°°°°°°بِے مثیل .. بے نظیرنَبیل .. صاحبِ فضیلتنَزِیل .. مسافرنَجیب و اَصِیل .. شریف اور اچھے نسب والانخیل .. باغکفیل .. مددگار ، ضامنوَجِیہ و شکیل .. خوب صورتسَلسبيل .. نہر ، میٹھا پانیقَبیل .. قِسم ، نوعفصیل .. قلعہ ، ایواناِبن و اَب … بیٹا اور باپ------</p>
<p>ازقلم: سلمان رضا فریدی صدیقی مصباحیمسقط عمان+96899633908</p>