شانِ نبی کائنات صلی اللہ علیہ وسلم

<p>خامہ و فکر پہ اوصاف رَقَم تیرے ہیںلب پہ نغمے اے شہنشاہِ اُمم تیرے ہیں</p>
<p>کون ہے صاحبِ " لَولاکَ لَمَا " تیرے سوایہ جہاں وہ جہاں، سب رب کی قسم تیرے ہیں</p>
<p>تاقیامت "وَرَفعنا لکَ ذِکرَک" کی ہے گونجبامِ کونین پہ ہر سَمت عَلَم تیرے ہیں</p>
<p>بزمِ امکاں کے سبھی رنگ ہیں تیرے مَملُوکعَرَض و جوہر و موجود و عدم تیرے ہیں</p>
<p>کیسے ہو تیری تجلی کا ہمیں اندازہیہ جو خورشید وقمر ہیں، یہ حَرَم تیرے ہیں</p>
<p>شاہِ دیں ، نور مبیں ، مالکِ کُل ، ختمِ رُسُلہر فضیلت سے بڑے جاہ و حشم تیرے ہیں</p>
<p>یدِ ہستی میں "مَفاتِیح خَزَائِن" موجود" لِأُ تَمِّم " سے کمالات اَتَم تیرے ہیں</p>
<p>پڑھ کے یہ جان لیا آیتِ " مآ اٰتٰکُم"سارےچھوٹے بڑے، محتاجِ کرم تیرے ہیں</p>
<p>اک طرف خاک پہ اے مَخزَنِ رحمت ترے پاؤںاک طرف قصرِ "دَنٰی" میں بھی قدم تیرے ہیں</p>
<p>نَظمِ عالم ترے اَبرُو کے اشارے پہ چلےکیسے اے جانِ جہاں ناز و نِعَم تیرے ہیں</p>
<p>سرفرازی تجھے حاصل ہے "وَمَا یَنطِق" کیقلب و لب، وَحیِ خداوندی سے ضَم تیرے ہیں</p>
<p>عَلَّمکْ سے یہ عیاں ہے کہ ملے سارے علومبخدا زیرِ نظر لوح و قلم تیرے ہیں</p>
<p>اُن کی اک بوند کے ہم پایہ نہیں ہیں کونینعلم و عرفان و فراست کے جو یَم تیرے ہیں</p>
<p>فیض پر دست ونظر، " لَا " کا نہیں لب پہ گزرواہ کیا رنگِ عطا ، شاہِ اِرَم تیرے ہیں</p>
<p>"أَنتَ حِلٌّ" کی قَسَم آئ کلامِ رب میںکتنے محبوب ، نشاناتِ قدم تیرے ہیں</p>
<p>رحم فرما اے مسیحاے زماں، شاہِ شہاںہیں گنہگار ، مگر یانبی ہم تیرے ہیں</p>
<p>تیری یادوں سے مہکتا ہے مرا باغ حیاتشَکلِ گُل ہیں، مرے سینے میں جو غم تیرے ہیں</p>
<p>یہ وفا ، بس دَمِ ہستی میں نہیں ہے محدودموت کے بعد بھی ہم رب کی قسم تیرے ہیں</p>
<p>یہ جو حاصل ہے فریدی کو فَروغِ ہستیمیرے سرکار ! یہ احسان و کرم تیرے ہیں</p>
<p>ازقلم: سلمان رضا فریدی صدیقی مصباحی بارہ بنکوی ، مسقط عمان</p>
<p>+96899633908</p>