غزل: گھر سے نکلوں تو آنکھوں کا ہوتا ہے بازار شروع

<p>خیال آرائی: خوشبو پروین، حیدرآباد</p>
<p>ہر اک قدم پر ہوجائے گا پھر میرا انکار شروعگھر سے نکلوں تو آنکھوں کا ہوتا ہے بازار شروع</p>
<p>نفرت نے تو پہلے ہی تقسیم کیا ہےرشتوں کوبوڑھا برگد کٹے تو آنگن میں ہوگی دیوار شروع</p>
<p>کب سے سنتی ہی آئی ہوں، میری بھی کچھ سن لو آجعادت سے مجبور ہو تم، ہو جاتے ہو ہر بار شروع</p>
<p>اپنی صفائی میں کہنے کی مجھ کو اجازت ہے ہی نہیںمنصف جلد اشارہ تو کر، ہو جائے تلوار شروع</p>
<p>صرف مبارک ہو کی آوازیں ہی گونجی تھیں ہرسوکس نے حامی بھر دی جس دم میں نے کیا انکار شروع</p>
<p>بستی والوں کی نظروں میں یونہی تو بدلاو نہیںپھر کسی مذہب کا ہونے والا ہے کیا تہوار شروع</p>
<p>ہجرت کے رستے جاوں تو زاد ِ سفر خودداری ہےلوٹتی ہوں تو خوشبو تھوڑے فاصلے پر دربار شروع</p>