کیسے منائیں عید

<p>ملت کی حالت زار پر یہ اشعار نہیں آنسو ہیں جو بے ساختہ نکل پڑے،اللہ تعالی امت مسلمہ پر رحم فرمائے۔</p>
<p>حالت ہماری زار ہے ، کیسے منائیں عیددل پر غموں کا بار ہے کیسے منائیں عید</p>
<p>ساری مسرتوں کی ہے بنیاد ، اتحادملت میں انتشار ہے کیسے منائیں عید</p>
<p>اسلام کو مٹانے کی جاری ہیں سازشیںظالم کا اقتدار ہے کیسے منائیں عید</p>
<p>بڑھتی ہی جارہی ہیں مسلماں پہ سختیاںچاروں طرف سے وار ہے کیسے منائیں عید</p>
<p>ہیں اہل حق پہ سازش وظلم وستم کے تیرجاری لہو کی دھار ہے کیسے منائیں عید</p>
<p>پردہ عِناد کا ہے عدالت کی آنکھ پرمومن ہیں ، تختِ دار ہے کیسے منائیں عید</p>
<p>الحاد نے بچھادییے ہر سمت اپنے جالاور نوجواں شکار ہے کیسے منائیں عید</p>
<p>تہذیبِ نو سے دخترِ ملت ہے بے ردابے شرمی کا غبار ہے کیسے منائیں عید</p>
<p>اپنے عراق و شام و فلسطیں لہو ہوئےملک یمن نَزار ہے کیسے منائیں عید</p>
<p>قبضہ ہے آج قبلۂ اول پہ غیر کاامت یہ دلفگار ہے کیسے منائیں عید</p>
<p>جو پاسباں حرم کے ہیں غدار دیں ہیں وہسب پر یہ آشکار ہے کیسے منائیں عید</p>
<p>عیسائ اور یہودی ہیں قابض حجاز پردشمن ہی رازدار ہے ، کیسے منائیں عید</p>
<p>اپنوں کی ہی کمی ہےتو غیروں کو کیا کہیںدامن ہی تار تار ہے کیسے منائیں عید</p>
<p>یارب تو بھیج کشتئ ملت کا ناخدابھاری یہ انتظار ہے ، کیسے منائیں عید</p>
<p>اَسلاف جس کو لائے خزاں سے گزار کرپَژمُردہ وہ بَہار ہے، کیسے منائیں عید</p>
<p>ملتی تھیں کَل جہاں پہ فریدی ! مسرتیںاب ظلم کا دیار ہے کیسے منائیں عید</p>
<p>ازقلم: سلمان رضا فریدی صدیقی مصباحی بارہ بنکوی، مسقط عمان</p>
<p>نَزار … کمزور… ناتواں</p>