نعت رسول: اے کاش ایک ایسی مدینے کی شام ہو
<p>نتیجۂ فکر: محمد امیر حسن امجدی رضویاستاذ ومفتی: الجامعۃ الصابریہ الرضویہ پریم نگر نگرہ جھانسی یوپی</p>
<p>اے کاش ایک ایسی مدینے کی شام ہوآئی قضا ہو زیست کی عمریں تمام ہو</p>
<p>دہلیزِ عشق پر رہوں دم توڑتا رہوںپیشِ نظر وہ روضۂ خیر الانام ہو</p>
<p>آنکھوں میں لے کے جاؤں بسا روضۂ رسولتاکہ لحد میں میرا کوئی احترام ہو</p>
<p>وقتِ اجل ہاں کلمۂ طیب سے پیشتروردِ زباں بھی کاش درود و سلام ہو</p>
<p>ہو جاؤں دفن شہر نبی میں اگر کہیںخلدِ بریں میں'پوچھنا پھر،کیا! مقام ہو</p>
<p>بارش ہو رحمتوں کی میرے گورِناز پرمدفونِ شہرِ پاک پے رحمت جو عام ہو</p>
<p>زمزم شریف کا میں مروں پی کے آبِ پاکتاکہ زباں نہ حشر تلک تشنہ کام ہو</p>
<p>روزِ جزا یہ پھر کہیں جو تشنہ کام ہوآقا کے ہاتھ سے عطا کوثر کا جام ہو</p>
<p>ہیں زائرینِ طیبہ کہاں آئے جب ندامحشر میں'کاش ان میں ہمارا بھی نام ہو</p>
<p>عاصی امیرؔ کی ہو یہ یارب دعا قبولوقتِ قضا کہ آپ کے در پے غلام ہو</p>
تبصرے (0)
شائع کردہ
Assistant Editor
★★★★★
نیوز ہوم کے رپورٹر



