ازقلم: عبدالمبین حاتم فیضی
خدائے پاک کے نائب، جہاں کے سرور ہو
حضور ! آپ کا پھر کیسے کوئی ہمسر ہو
حضور ! آپ کا عاشق بلند و برتر ہو
حضور ! آپ کا دشمن ذلیل و کمتر ہو
ہے حسنِ یوسفِ کنعاں بھی آپ کا صدقہ
حضور ! آپ خلائق میں سب سے سندر ہو
حضور ! جب مجھے تڑپائے خاورِ محشر
تو سر پہ آپ کی رحمت کی نوری چادر ہو
بنوں میں مرجعِ رشکِ مہ و نجومِ فلک
جو گردِ روضۂِ آقا مجھے میسر ہو
کھُلا ہے نامۂِ اعمال میں پریشاں ہوں
نگاہِ لطف و عنایت شفیعِ محشر ہو
میں اس سےپہلے کہ دنیا سےکوچ کرجاؤں
الہی ! دیدِ درِ شہ مرا مقدر ہو
لوائے نعت ہے حاتم تمہارے ہاتھوں میں
نصیب ور ہو مقدر کے تم سکندر ہو
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
