پروانچل

والدین کا نافرمان کبھی کامیاب نہیں ہوسکتا ہے: مولانا صاحب علی چترویدی

مڑلا/سدھارتھ نگر: 2فروری/ ہماری آواز(نامہ نگار)
آج دوپہر چتیا بازار ضلع سدھارتھ نگر کے موضع مڑلا میں جشن عید میلاالنبی کا اہتمام کیا گیا جس کا آغاز قرآن مقدس کی پاکیزہ تلاوت سے جس کے بعد حضرت مولانا علی حسن اشرفی اور مولانا رحمت اللہ صاحب نے بارگاہ رسول میں خراج عقیدت بشکل نعت پیش کیا۔ محفل پاک سے خطاب کرتے ہوئے مشہور زمانہ خطیب ماہر وید و قرآن خطیب ہندوستان حضرت علامہ صاحب علی چترویدی نے حقوق والدین پر عمدہ گفتگو فرماتے ہوئے کہا کہ جو بیٹا والدین کی نافرمانی کرتا ہے وہ کبھی کسی شعبہ حیات میں کامیاب نہیں ہوسکتا۔ جبکہ فرماں بردار اولاد کی نشانی یہ ہے کہ وہ زندگی بھر والدین کی خدمت کرتا رہے اور جب دنیا سے ان کا جانا تو ان کے حق میں ایصال ثواب کرتا رہے کیوں بخاری شریف کی صحیح حدیث میں آقاے کریم کا فرمان عالی شان ہے کہ آدمی کے مرنے کے بعد اس کا اعمال نامہ بند ہوجاتا ہے مگر تین امور کے ذریعہ اسے نیکیاں ملتی رہتی ہیں۔ یہی ایصال ثواب کی اصل ہے جس پر ہم اہل سنت والجماعت عمل پیرا ہیں، کسی خاندانی رسم و رواج کی وجہ سے نہیں۔
محفل پاک کا اختتام حضرت مولانا صفات احمد صاحب قبلہ فیضی کی دعاؤں پر ہوا۔ اس موقع پر حضرت مولانا افسر علی موجود رہے۔

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button