ازقلم: برکت اللہ فیضی، گونڈہ
محبوب حق کے دلبر خواجہ سلام لے لو
سلطان شاہ سنجر خواجہ سلام لے لو
نور نگاہ زہرا حسنین کے دلارے
تسکین قلب حیدر خواجہ سلام لے لو
یہ آستاں وہی ھے جن و ملک جہاں پر
کہتے ہیں روز آکر خواجہ سلام لے لو
ہو در گزر خطائیں مقبول ہو دعائیں
بہر شفیع محشر خواجہ سلام لے لو
دربار میں تمہارے ہم بار بار آئیں
یہ التجا ہے سرور خواجہ سلام لے لو
صدقہ عطا ہو ہم کو شہدائے کربلا کا
حاضر گدا ھے در پر خواجہ سلام لے لو
امید لیکے برکت در پر ہوا ھے حاضر
نظر کرم ہو اس پر خواجہ سلام لے لو
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
