نتیجۂ فکر: اشرف رضا قادری
چھتیس گڑھ
نام جعفر ، باپ باقر ، دادا زین العابدین
حامیِ اسلام و سنت ، ناصرِ دینِ مبین
پاک طینت ، نیک سیرت ، عابدِ شب زندہ دار
کشورِ علم و عمل کا وہ شہِ عالی وقار
آپ کی علمی جلالت کی جہاں میں دھوم ہے
دشمنوں کا دل مگر اس بات سے مغموم ہے
آپ کے ہیں زیرِ ممنوں اولیائے ذی وقار
کشورِ روحانیت کے آپ ٹھہرے تاجدار
رب نے بخشا ہے تمہیں علم و ادب کی سروری
فقہ و افتا میں تمہیں حاصل تھی کافی برتری
آپ کے شاگردوں میں لاکھوں ہوئے عالی مقام
جن میں شامل بو حنیفہ اور مالک کا ہے نام
کج کلاہانِ زمانہ ان کی کرتے پیروی
ہاتھ پھیلائے کھڑی ہے ان کے آگے خسروی
السلام اے نورِ چشمِ رحمۃُ لّلعالمین
السلام اے ناخدائے کشتیِ دینِ متین
السلام اے آسمانِ علم و حکمت السلام
السلام اے قاطعِ کفر و ضلالت السلام
وہ محدث جس نے پھیلائی حدیثِ مصطفیٰ
دین کا اشرف ہوا ان سے کشادہ دائرہ
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
