اولادِ غوثِ اعظم خلیفہ حضور مفتی اعظم و حضور تاج الشریعہ پیر طریقت رہبر شریعت استاذ العلماء وارث علوم علماء اہلِ سنت رامپور سلطان المناظيرین اولاد حضور محدث اعظم رامپور حضرت علامہ مولانا مفتی سید محمد شاہد علی قادری رضوی رحمۃ اللہ علیہ
نتیجۂ فکر: محمد شاہد رضوی
شہنشاہ جہاں ہے تیرا نانا شاہد ملت
تبھی تو ہے فدا تجھ پر زمانہ شاہد ملت
ملے مجھکو اگر کوئی بہانہ شاہد ملت
تو میں بھی دیکھوں تیرا آستانہ شاہد ملت
نبی کی آل ہو پیارے انوکھی شان والے ہو
ہے حاصل تم کو یہ رتبہ شہانہ شاہد ملت
محدث ہو محقق ہو مفکر ہو مناظر ہو
تمہارے پاس ہے علمی خزانہ شاہد ملت
خلیفہ مفتی اعظم کے ہو تم اور رضوی ہو
بریلی ہے تمہارا پیر خانہ شاہد ملت
ملا ہے فیض تم کو اعلیٰ حضرت اور نوری کا
انہیں کے فیض کا دریا بہانہ شاہد ملت
مناظر کوئی بھی تیرے مقابل ٹک نہیں پایا
ہے تیری شان کتنی فاتحانہ شاہد ملت
غموں کی دھوپ ہرگز چھو نہیں سکتی مجھے کیونکہ
مرے سر پہ ہے تیرا شامیانہ شاہد ملت
ملے نا چین جسکو بھی تمہارے در پہ آجائے
تمہارے در کا منظر ہے سہانہ شاہد ملت
تمہارے لاڈلے فیضان ملت کا بھی کیا کہنا
ہے انکی فکر بیشک عالمانہ شاہد ملت
کرے گا ناز شاہد ہر گھڑی وہ اپنی قسمت پر
ملا ہے جس کو بھی تیرا زمانہ شاہد ملت
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
