نبی کریمﷺنعت رسول

نعت: تھے نور فشاں کعبہ و اقصی شبِ معراج

نتیجۂ فکر: عبدالمبین حاتمؔ فیضی، مہراج گنج

جب دیدِ خدا کو چلے آقا شبِ معراج
تھے نور فشاں کعبہ و اقصی شبِ معراج

اللہ کے محبوب کو جبریل امیں نے
بیدار کیا چوم کے تلوہ شب معراج

سدرہ پہ پہونچ کر یہ کہیں بلبلِ سدرہ
اب جائیے آگے شہا ! تنہا شبِ معراج

باراتی بنے مہر و مہ و نجم فلک اور
آقا ہوئے معراج کے دولہا شبِ معراج

تھی ہوش رُبا طور پہ جو برق تجلی
بالواسطہ دیکھیں اسے موسیٰ شب معراج

جس لمحے میں "اَو اَدنیٰ” گئے سید عالم
پُرکیف تھا کِس طور وہ لمحہ شبِ معراج

ہیں عقل و خرد آج بھی انگشت بدنداں
کیسے بنا افلاک میں رستہ شبِ معراج

معراجِ مسلماں ہے وہی حاتمِ فیضی
آقا کو ملا رب سے جو تحفہ شبِ معراج

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

Back to top button