نعت رسول: اللہ اللہ حبیب خدا آگئے

الدال علیٰ خیر کفاعلہ (شیئر کریں)
محمد زاہد رضا بنارسی
گوپی گنج،بھدوہی۔اترپردیش

اللہ اللہ حبیبِ خدا آگئے
بن کے رحمت مرے مصطفیٰ آگئے

وجہِ تخلیقِ ارض و سما آگئے
مصطفٰے آگئے مصطفٰے آگئے

مجتبٰی آگئے مرتضٰی آگئے
لیکے فرمان رب العلیٰ آگئے

جب ولادت ہوئی میرے سرکار کی
بہرِ تعظیم سب انبیاء آگئے

رشک کر اے حلیمہ تیری گودمیں
دونوں عالم کے حاجت روا آگئے

منھ چھپانے لگی تیرگی کفرکی
جب جہاں میں وہ بدر الدجی آگئے

ہم گنہگاروں کو ہم خطا کاروں کو
بخشوانے حبیبِ خدا آگئے

جتنے بیمار تھے پا گئے سب شفا
ہر مرض کی وہ بن کر دوا آگئے

مجھ کو "زاہد” ہو کیوں فکرِ گمگشتگی
آقا بن کر مرے رہنما آگئے

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

سلام در شان سلطان انبیاء

اللہ کے حبیب و پیمبر پہ ہو سلامسلطان انبیاء پہ ہو، سرور پہ ہو سلام …

جواب دیں

آپ کا ای میل ایڈریس شائع نہیں کیا جائے گا۔