نتیجہ فکر: محمد اشرفؔ رضا قادری
مدیر اعلی سہ ماہی امین شریعت
عالمِ علمِ شریعت مصطفیٰ حیدر حسن
ماہرِ علمِ طریقت مصطفیٰ حیدر حسن
عالم و فاضل، محقق، ماہرِ علمِ حدیث
آفتابِ علم و حکمت مصطفیٰ حیدر حسن
حافظ و قاری، مفکر اور ادیبِ باکمال
نازشِ بزمِ خطابت مصطفیٰ حیدر حسن
زیورِ عشقِ محمد سے مزیّن تھی حیات
عاشقِ فخرِ رسالت مصطفیٰ حیدر حسن
حاملِ صدق و صفا اور خوگرِ جود و عطا
پیکرِ اخلاق و سنت مصطفیٰ حیدر حسن
کر دیا تھا جینا تم نے کفر و باطل کا حرام
حامیِ دین و شریعت مصطفیٰ حیدر حسن
سنیت کا دائرہ تم نے کشادہ کر دیا
ترجمانِ اہلِ سنت مصطفیٰ حیدر حسن
گلشنِ برکات کے ہیں وہ گلابِ خوش نما
آبروئے قوم و ملت مصطفیٰ حیدر حسن
مسلکِ احمد رضا کے ایک سچّے ترجمان
اور فدائے اعلیٰ حضرت مصطفیٰ حیدر حسن
اہلِ ایماں کی طرح نازاں ہے اشرفؔ آپ پر
قائد و سالارِ امت مصطفیٰ حیدر حسن
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
