زمیں کے حاکم و سلطاں ہو یا گداے فلک

الدال علیٰ خیر کفاعلہ (شیئر کریں)

بر زمین رضآ بریلوی

نتیجہ فکر: محمد اشرفؔ رضا قادری
مدیر اعلی سہ ماہی امین شریعت

تمہارے پاؤں کے ذرّے ستارہائے فلک
تمہارے نازنیں لب کی ہنسی ضیائے فلک

جو ان کی عظمت و رفعت سے خوب واقف ہے
ہے ہیچ ان کی نگاہوں میں اعتلائے فلک

زمین مسکن و مدفن ہے سرورِ دیں کا
کہو نصیب پہ اپنے نہ کھِلکھِلائے فلک

مکینِ گنبدِ خضریٰ مدد کو آئیں گے
ہمارے درمیاں گر کوئی گل کھِلائے فلک

رسولِ پاک کے احساں تلے دبے ہیں سبھی
زمیں کے حاکم و سلطاں ہو یا گدائے فلک

نظارے گنبدِ خضریٰ کے دیکھنے والے
بھلا وہ دیکھے گا کیا اب نظارہائے فلک

شہِ مدینہ کی مدحت میں زندگی گذرے
عطا ہو نعت کی توفیق اے خدائے فلک

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

سلام در شان سلطان انبیاء

اللہ کے حبیب و پیمبر پہ ہو سلامسلطان انبیاء پہ ہو، سرور پہ ہو سلام …

جواب دیں

آپ کا ای میل ایڈریس شائع نہیں کیا جائے گا۔