نتیجہ فکر: محمد اشرفؔ رضا قادری
مدیر اعلی سہ ماہی امین شریعت
کتابِ حکمت رضا علی خاں
معینِ ملت رضا علی خاں
علومِ نقلی میں تھی مہارت
فقیہِ امت رضا علی خاں
شبِ ضلالت میں بن کے چمکے
چراغِ سنت رضا علی خاں
ہمیشہ انگریزوں سے لڑے ہو
نصیرِ امت رضا علی خاں
نقی علی خاں تھے ان کے بیٹے
رضا کی عظمت رضا علی خاں
رکھی ہے بنیادِ ’’دارِ افتا‘‘
تمہیں نے حضرت رضا علی خاں
ہیں خوب چرچے تمہاری جرأت
کے، فخرِ ملت رضا علی خاں
ہے آج بھی یاد دشمنوں کو
تمہاری ہمت رضا علی خاں
ہے ہند کے مسلموں کو پھر سے
تری ضرورت رضا علی خاں
خدارا اشرفؔ رضا کو دے دو
شعورِ مدحت رضا علی خاں
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
