نعت رسول

نعت شریف: سارے نبیوں میں جدا ہے آمنہ کا لاڈلا

از قلم: شیخ عسکری رضوی بنارسی
7856932585

ہر کوئی یہ کہہ رہا ہے آمنہ کا لاڈلا
سارے نبیوں میں جدا ہے آمنہ کا لاڈلا

بیٹیوں خوشیاں مناؤ! بن کے وحدت کا چراغ
نور والا آ رہا ہے آمنہ کا لاڈلا

بی حلیمہ کی چھڑانے بکریاں اب شیر سے
بَن میں دیکھو جا رہا ہے آمنہ کا لاڈلا

ساری دنیا چھان کر روح الامیں بولے یہی
خوبصورت خوشنما ہے آمنہ کا لاڈلا

آیت قرآن سے یہ صاف ظاہر ہو گیا
سر سے پا تک معجزہ ہے آمنہ کا لاڈلا

ہر کسی کے لب پہ یہ جاری سدا ہے آج بھی
بیکسوں کا آسرا ہے آمنہ کا لاڈلا

عسکری ہندی کو بھی دے در پہ آنے کا شرف
تجھ سے بس یہ التجا ہے آمنہ کا لاڈلا

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button