ہماری آواز دہلی
نئی دہلی،10 دسمبر(پریس ریلیز) مرکزی وزیر تعلیم ڈاکٹر رمیش پوکھریال ’نشنک‘ نے طلبہ کو اس کورونا کی وبا کے بحران کے دوران پڑھائی جاری رکھنے کی ستائش کرتے ہوئے اسکولی زندگی میں جلد واپس لوٹنے کا بھروسہ دلایا ڈاکٹر نشنک نے آج یہاں ایجوکیشن ڈائلوگ کے گیارہویں ایڈیشن کے تحت ٹیچروں،سرپرستوں اور طلبہ کے ساتھ لائو انٹرایکشن میں تعلیم اور تعلیم سے متعلق دیگر مسئلوں پر تفصیلی بات چیت کی۔
انہوں نے طلبہ کو اس وبا کے بحران کے درمیان حوصلہ افزائی کرتے ہوئے کہا کہ آپ سبھی کو اپنی اسکولی زندگی کی بہت یاد آتی ہوگی لیکن سب نے اس مشکل وقت میں بھی پڑھائی جاری رکھی جو کہ بےحد قابل ستائش ہے۔
انہوں نے کہا،’’میں آپ سبھی کو یقین دلانا چاہتا ہوں کہ آپ جلد ہی اپنی اسکولی زندگی میں واپس لوٹیں گے لیکن تب تک مختلف طریقوں سے جیسے کہ پین فرینڈ کلچر ،مائی بک، کینپین وغیرہ کے ذریعہ نہ صرف اپنے دوستوں سے جڑے رہ سکتے ہیں بلکہ تعلیم کے عمل کو جاری رکھ سکتے ہیں۔
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
