رمضان المبارک

ماہ رمضان میں قرآن فہمی کی ترغیب

ازقلم: محمد عارف رضا نعمانی مصباحی
ایڈیٹر : پیام برکات،علی گڑھ
رابطہ نمبر :7860561136

قرآن کریم اللہ پاک کا مقدس کلام ہے، یہ انسانوں کی ہدایت اور رہنمائی کے لیے نازل کیا گیا، قرآن پاک مسلمانوں کے لیے شریعت کے مطابق زندگی گزارنے کا جامع منشور ہے، اس لیے مسلمانوں کو چاہیے کہ سال بھر اس کی تلاوت بھی کریں اور اس کو سمجھنے کی کوشش کریں۔

ماہ رمضان المبارک میں چونکہ تلاوت کلام اللہ کی کثرت ہوتی ہے، لوگ خوب تلاوت کرتے ہیں تو ان کو چاہیے کہ تلاوتِ کلام پاک کے قواعد بھی سیکھیں، تجوید کے قواعد بھی سیکھیں پھر قرآن پاک تجوید کی رعایت کے ساتھ پڑھیں، قرآن پاک کو صحیح مخارج اور تجوید کی رعایت کے ساتھ پڑھنا بےحد ضروری ہے اور ساتھ ہی ساتھ اس کو سمجھنا بھی۔
اس ماہ مبارک میں جب ہم تلاوت کرنے بیٹھیں تو تلاوت کے ساتھ ساتھ قرآن پاک کا ترجمہ اور تفسیر پڑھنے کے لئے بھی وقت نکالیں، تو ہمیں چاہیے کہ ہم قرآن پڑھیں بھی اور قرآن سمجھیں بھی کہ اللہ نے اس ماہ مبارک میں قرآن پاک نازل کیا بندوں کی ہدایت کے لئے، اس میں دنیا اور آخرت کی بھلائی کے اصول ہیں اللہ کے رسول کی فرمانبرداری کے اصول ہیں تو ہمیں چاہیے کہ ہم قرآن پاک کی تلاوت بھی کریں ساتھ ہی اس کا ترجمہ کنزالایمان پڑھ کر قرآنی تعلیمات کو سیکھنے کی کوشش کریں، جب ہم قرآن سمجھ کر پڑھیں گے تو ہم اپنی زندگی میں بدلاؤ محسوس کریں گے، سکون میسر آئے گا۔

یوں تو ہم سال پھر روا روی میں تلاوت کر جاتے ہیں، ہمیں اللہ کی طرف سے یہ ایک مہینہ تحفے میں ملا ہے، اس کی قدر کریں اور قرآن کے پیغام اور اس کی تعلیمات کو اپنے گھر والوں، دوست احباب اور دور دراز لوگوں تک عام کریں، ایسا کرنے سے ہمیں دنیا اور آخرت کی بھلائیاں نصیب ہوں گے اللہ عزوجل ہمیں عمل کی توفیق دے، علمِ دین، قرآن اور اس کے احکامات سیکھنے کی توفیق بخشے۔

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!

ہماری آواز
ہماری آواز؛ قومی، ملی، سیاسی، سماجی، ادبی، فکری و اصلاحی مضامین کا حسین سنگم ہیں۔ جہاں آپ مختلف موضوعات پر ماہر قلم کاروں کے مضامین و مقالات اور ادبی و شعری تخلیقات پڑھ سکتے ہیں۔ ساتھ ہی اگر آپ اپنا مضمون پبلش کروانا چاہتے ہیں تو بھی بلا تامل ہمیں وہاٹس ایپ 6388037123 یا ای میل hamariaawazurdu@gmail.com کرسکتے ہیں۔ شکریہ
http://Hamariaawazurdu@gmail.com