خلیفہ و تلمیذ اعلی حضرت ،، نور نگاہ رضا ،، محافظ ناموس مصطفی ،، افتخار اہلسنت ،، ماہر علوم وفنون ،، استاذالاساتذہ ،، ملک العلماء ،، حضرت علامہ مفتی سید شاہ محمد ظفرالدین بہاری علیہ الرحمہ کی بارگاہ میں زبان و فکر و قلم کا خراج عقیدت
از: توصیف رضا خان رضوی
باتھ اصلی سیتا مڑھی بہار انڈیا
علم و عمل ہے ایسا لاکھوں پہ تنہا بھاری
یہ فاضلِ بِہاری ہیں فاضلِ بِہاری
سلطانِ وقت بھی ہے اس شاہ کا بھکاری
یہ فاضلِ بِہاری ہیں فاضلِ بِہاری
سر سے قدم تَک اِن کے اوصاف ہیں نِرالے
اِن سے بِہار میں ہیں چارو طرف اُجالے
کر دیتے دور دِل سے ہر ایک بیقراری
یہ فاضلِ بِہاری ہیں فاضلِ بِہاری
ہر سمت ڈنکے بجتے ہیں جن کی عظمتوں کے
لب کھولیں جب تو جھڑتے ہیں پھول رحمتوں کے
لگتی ہیں دل کو جِن کی ساری ادائیں پیاری
یہ فاضلِ بِہاری ہیں فاضلِ بِہاری
سب کچھ نبی نے بخشا ہے واقعی ظفر ہیں
کچھ بھی کمی نہیں ہے یہ ایسے تاجور ہیں
سب حاجتیں یہ پوری کر دیتے ہیں ہماری
یہ فاضلِ بِہاری ہیں فاضلِ بِہاری
توصیفؔ کیوں ہو ممکن ، حق کا ہیں آئِنہ یہ
ہر دشمنِ نبی پر شمشیرِ برہنہ یہ
گستاخو! بچنا اعلی حضرت کی اِک کٹاری
یہ فاضلِ بِہاری ہیں فاضلِ بِہاری
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
