نتیجۂ فکر: شیخ عسکریؔ رضوی بنارسی
نرالا ایسا رتبہ ہے مرے مسعود غازی کا
خدا خود پڑھتا خطبہ ہے مرے مسعود غازی کا
علی سے شجرہ ملتا ہے مرے مسعود غازی کا
بہت اعلیٰ گھرانہ ہے مرے مسعود غازی کا
محمد مصطفیٰ صل علیٰ کے واسطے دیکھو
جہاں میں چلتا سِکّہ ہے مرے مسعود غازی کا
پہونچ کر ان کے در پر کہہ اٹھے شیدائی سب ان کے
بہت ہی پیارا روضہ ہے مرے مسعود غازی کا
نبی کے دین سے ہرگز اسے بھٹکا نہ پاؤگے
ہوا جو دل سے شیدا ہے مرے مسعود غازی کا
خدا کے فضل سے اے عسکریؔ سارے زمانے میں
لبوں پہ سب کے چرچہ ہے مرے مسعود غازی کا
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
