پڑھ رہا ہے آپ کا جو بھی ترانہ یا نبی
آپ محشر میں اسے جنت دلانا یا نبی
رَحمَتُہ الّلعَالَمِیں رب نے بنایا آپ کو
آپ کے قبضے میں ہے سارا زمانہ یا نبی
جو گیا دربار میں وہ بس یہی کہنے لگا
رشکِ جنت ہے تمہارا آستانہ یا نبی
قاسم نعمت بنایا ہے خدا نے آپ کو
دے رہے ہیں آپ سب کو آب و دانہ یا نبی
جب فرشتے حشر میں لے جائیں گے سوئے سقر
اس گھڑی نار سقر سے تم بچانا یا نبی
رب تعالیٰ کی عطا سے خواب میں آکر کبھی
دید کا شربت مجھے بھی تم پِلانا یا نبی
حضرت اختر رضا خاں ازہری کے واسطے
عسکریؔ کو بھی دِکھا دو در سُہانہ یا نبی
نتیجۂ فکر: شیخ عسکریؔ رضوی بنارسی 7856932585
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
