سعادت گنج بارہ بنکی: 18 مارچ، ہماری آواز(پریس ریلیز)
اللہ سبحانہ و تعالی کی کتاب، اللہ کے پاک کلام پہ انگلی اٹھا کر ، قرآن پاک کی 26 آیتوں کو منسوخ کرنے کے لئے باقاعدہ سپریم کورٹ میں عرضی دائر کرکے بدنام زمانہ ملت فروش یہودیوں کے ایجنٹ وسیم رضوی نے ساری حدیں توڑ دی۔
بزمِ ایوانِ غزل کے ناٸب صدرذکی طارق بارہ بنکوی نے اپنے خیالات کا اظہار کرتے ہوئے کہا کہ وسیم رضوی کے ذریعہ سپریم کورٹ میں قرآن کریم کی آیتوں کے بارے میں جو عرضی داخل کی گئی ہے یہ ان کے پاگل پن کا ثبوت ہے،میں ا س کی سخت الفاظ میں مذمت کرتا ہوں۔انہوں نے کہا کہ قرآن کریم مذہب اسلام کی بنیاد ہے اور مسلمانوں کو اس پر پورا یقین ہے اور اس قرآن کریم پر یقین نہ کرنے والا مسلمان نہیں ہو سکتا۔ انہوں نے سپریم کورٹ سے اپیل کرتے ہوئے کہا کہ وہ اس میں مداخلت نہ کرے کیونکہ یہ پوری دنیا کے مسلمانوں سے جڑا ہوا مسئلہ ہے، اسے فوراً خارج کردینا چاہئے آر ایس ایس کی گندگی پر پلنے والے اس شخص کا اسلام پر یہ کوئی پہلا حملہ نہیں ہے بلکہ اس سے پیشتر بھی کئی بار اس نے مسلمانوں کے خلاف اپنی غلاظت ظاہر کی ہے، کبھی رام جنم بھومی نامی فلم ریلیز کرکے اسلامی احکامات کی تضحیک کرتا ہے حکومت سے میرا مطالبہ ہے کہ اس طرح سے ملک کی گنگا جمنی تہذیب کو توڑنے والے ملعون وسیم رضوی کو فوراً گرفتار کیا جائے۔
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
