یوپی

زائرین پر ظلم نا قابل برداشت، پولیس اپنے ظلم سے فوراً باز آئے: مفتی عامر عارفین رضوی

درگاہ اعلیٰ حضرت کے ذمہ داران کے حکم کی تحریک فروغ اسلام منتظر

عرس رضوی کے موقع پر جگہ جگہ بیری کیڈنگ کر زائرین کو عرس میں جانے سے روکنا پولیس کا یہ قدم واضح کرتا ہے کہ پولیس خود ہی فساد کرانا چاہتی تھی، جو بھی ماحول خراب ہوا وہ پولیس کی ناکامی کی وجہ سے ہوا، لہذا فوری طور پر پولیس تحریک فروغ اسلام بریلی کے نائب صدر مولانا دانش رضا ازہری کو رہا کرے اور جن لوگوں پر مقدمات درج کیۓ ہیں وہ سب واپس لیئے جائیں۔ یہ باتیں آج جاری ایک بیان میں تحریک فروغ اسلام کے قومی جنرل سیکریٹری مفتی عامر عارفین رضوی نے کہیں ، انہوں نے کہا کہ درگاہ اعلیٰ حضرت کے سرپرست حضرت مولانا سبحان رضا خان سبحانی میاں صاحب، جماعت رضائے مصطفے کے قومی نائب صدر جناب سلمان حسن صاحب ، صاحب سجادہ حضرت مولانا احسن رضا خان صاحب و رضا ایکشن کمیٹی کے صدر مولانا عدنان رضا قادری صاحب اس معاملے کو لے کر بہت سنجیدہ ہیں اس لئے ہمیں امید ہے کہ جلد مقدمات واپس لۓ جائیں گے، اگر ایسا نہ ہوا تو درگاہ کے ذمہ داران کے حکم پر تحریک فروغ اسلام اگلا لائحہ عمل طے کرے گی۔
انہوں نے کہا کہ بانئ تحریک فروغ اسلام حضرت قمر غنی عثمانی قادری چشتی صاحب مسلسل حالات پر نظر رکھے ہوئے ہیں، جیسے ہی درگاہ اعلیٰ حضرت سے کوئی اعلان ہوتا ہے ملک بھر میں تحریک کے اراکین عمل شروع کر دیں گے۔ ان شاءاللہ

شعبہ نشرواشاعت
تحریک فروغ اسلام، الہند
9473962637

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button